Charkaŭ trapiŭ pad masiravanuju ataku: 40 vybuchaŭ, pažary, jość zahinułyja i paranienyja
U noč na 7 červienia rasijskija vojski nanieśli pa Charkavie ŭdary rakietami, dronami i KABami. Zafiksavanyja traplańni pa žyłych damach i hramadzianskim pradpryjemstvie. Ciapier viadoma pra adnaho zahinułaha i 14 paranienych, siarod ich dzieci. Bušujuć pažary, piša «Ukrainskaja praŭda».
«U horadzie sieryja vybuchaŭ. U Kijeŭskim rajonie Charkava zafiksavana traplańnie BPŁA typu «šachied» u cyvilnaje pradpryjemstva. U vyniku ataki ŭźnik mocny pažar», — paviedamiŭ mer horada Ihar Cierachaŭ.
Paźniej haradski hałava paviedamiŭ pra jašče adno traplańnie — u centralnaj častcy horada.
Načalnik Charkaŭskaj AVA Aleh Siniahubaŭ paviedamiŭ pra traplańnie šaści rasijskich BPŁA pa terytoryi cyvilnaha pradpryjemstva. Taksama «pryloty» zafiksavanyja ŭ Asnavianskim rajonie. Pavodle papiaredniaj infarmacyi, jość paciarpiełyja», — paviedamiŭ Siniahubaŭ.
«Bolš za dziesiać «Šachiedaŭ» udaryli pa horadzie, jość papiaredniaja infarmacyja pra niekalki trapleńniaŭ rakiet i KABaŭ. Jość papiarednija dadzienyja pra paciarpiełych. U Asnavianskim rajonie zafiksavana traplańnie ŭ šmatpaviarchovy žyły dom. Jość pažar», — dadaŭ Ihar Cierachaŭ.
U žyłym domie ŭ centry horada harać kvatery z 6-ha pa 9-y pavierch. Pavodle papiaredniaj infarmacyi, pad zavałami ŭ kvaterach znachodziacca ludzi.
Kamientary