Pad Baranavičami adzin čałaviek zahinuŭ u avaryi, čaćviora ŭ balnicy
U Baranavickim rajonie adbyłosia surjoznaje DTZ, u vyniku jakoha zahinuŭ adzin čałaviek, jašče čaćviora atrymali traŭmy, paviedamlaje UUS Bresckaha abłvykankama.
Incydent adbyŭsia siońnia kala 12-j hadziny dnia na aŭtadarozie M1/Je30 «Brest — Minsk — miaža Rasijskaj Fiederacyi».
55-hadovy žychar Hrodzienskaj vobłaści, kirujučy aŭtamabilem Lada, sprabavaŭ zrabić pavarot-razvarot z pravaj pałasy, ale nie sastupiŭ darohu inšaj Lada, jakoj kiravaŭ 19-hadovy rasijanin, što ruchaŭsia ŭ tym ža kirunku pa levaj pałasie.
U vyniku sutyknieńnia 55-hadovy vadziciel zahinuŭ na miescy. Jahonyja pasažyry — 46-hadovaja žančyna i 13-hadovy chłopčyk — byli špitalizavanyja. Taksama ŭ balnicu dastaŭleny druhi kiroŭca i jaho 40-hadovy pasažyr.
Kamientary