Pra chutki start novaha servisu taksi, jakim budzie kiravać markietplejs Wildberries, Office Life paviedamili krynicy na rynku pieravozak.

Čakajecca, što servis pačnie pracavać u najbližejšyja miesiacy. Zajmacca prajektam budzie TAA «Apieratar VB Taksi», heta kampanija 16 maja była zarehistravanaja ŭ rejestry pieravozčykaŭ pasažyraŭ u jakaści dyśpietčara. Jaje asnoŭny vid dziejnaści značycca jak dziejnaść u halinie kampjutarnaha prahramavańnia.
Kampanija «Apieratar VB Taksi» zarehistravanaja ŭ Minsku ŭ sakaviku 2025 hoda. 80% u joj naležyć rasijskamu TAA «Vajłdbieryz», 20% — biełaruskaj kampanii «TD kvadrat», jakaja zajmajecca zdačaj unajom ułasnaj nieruchomaj majomaści. Jurydyčny adras «TD kvadrat» i «Apieratara VB Taksi» supadaje.
U mai ŭ biełaruskaj stalicy startavaŭ servis taksi ad telekamunikacyjnaj kampanii A1. Ciapier daminujučuju rolu na hetym rynku zajmaje rasijskaje «Jandeks Taksi».
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?

Kamientary