Minhandlu znajšło aŭtara pravakacyjnych upakovak «Sasi žuj» u kramach
U Minsku ŭ kramy padkłali miasa z pravakacyjnaj rekłamaj — ich aŭtara znajšli, internet-resursy zabłakavali, paviedamlaje Ministerstva antymanapolnaha raźvićcia i handlu.
Ministerstva antymanapolnaha rehulavańnia i handlu raskazała pra spravu, źviazanuju z pravakacyjnaj rekłamaj, jakaja źjaviłasia na ŭpakoŭkach miasa ŭ šerahu minskich kram. Takija tavary zaŭvažyli jak minimum u «Jeŭraopcie» na Mantažnikaŭ, TZC Palazzo i «Karonie-Zamak».
«Spačatku sasi, potym žuj», — było napisana na adnoj z upakovak. Na inšaj upakoŭcy napisana «Sasižui ź miasa (sabakiena) čykiena». Pry hetym nidzie nie ŭkazanyja ni skład, ni štrych-kod, ni vytvorca praduktu.
Ciapier MARH paviedamiła, što ŭ vyniku rasśledavańnia internet-resursy, dzie prasoŭvałasia pradukcyja, zabłakavanyja, asoba, datyčnaja da raspaŭsiudu, ustanoŭlenaja, materyjały pieradadzienyja ŭ pravaachoŭnyja orhany.
Vytvorca, jaki nazyvaŭ svaje dziejańni «partyzanskim markietynham», ciapier moža być pryciahnuty da administracyjnaj adkaznaści za raspaŭsiud nienaležnaj rekłamy.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary