Chitry biełarus vyjechaŭ na svajoj mašynie ŭ Polšču, kupiŭ tam takuju ž i pasprabavaŭ viarnucca ŭ Biełaruś
Mužčyna viartaŭsia z Polščy praz punkt propusku «Brest». Tut bresckija mytniki vyjavili nieadpaviednaść źviestak ab transpartnym srodku, paviedamlaje Mytny kamitet.
Tak, apošnija šeść ličbaŭ identyfikacyjnaha numara kuzava aŭtamabila adroźnivalisia ad ukazanych u paśviedčańni ab rehistracyi.
Mytnaja ekśpiertyza pakazała, što numar na kuzaŭ nie padviarhaŭsia źmienam. Taksama ŭstanoŭlena, što źviestki ab vypusku aŭtamabila ŭ svabodny abarot na terytoryi JEAES i jaho rehistracyi ŭ DAI Biełarusi adsutničajuć.
Jak vyśvietliłasia, biełarus vyjechaŭ za miažu na svajoj mašynie — čornaj Audi A4, tam ža jon nabyŭ takoje ž aŭto siniaha koleru. Mužčyna mieŭ namier biaspošlinna ŭvieźci «dvajnika», vykarystoŭvajučy rehistracyjnyja znaki i paśviedčańnie ab dziaržaŭnaj rehistracyi na vyviezieny aŭtamabil.
Raspačaty administracyjny praces u adpaviednaści z č. 2 art. 15.1 KaAP Respubliki Biełaruś. Sankcyja artykuła praduhledžvaje nakładańnie štrafu da 30 bazavych vieličyń (1260 rubloŭ) z mahčymaj kanfiskacyjaj transpartnaha srodku.
Aŭtamabil 2000 hoda vypusku koštam 25,5 tysiačy rubloŭ kanfiskavany da rašeńnia suda.
Kamientary