«Dźvie Kazy» ci niešta inšaje? 300 hadoŭ tamu ŭ Navahrudku była vulica ź intryhoŭnaj nazvaj
Cikavy «mitrapalitalny» taponim u Navahrudku XVII-XVIII stahodździaŭ — «vulica Dźviekazynskaja». Było b dobra adradzić takuju cikavostku (jak i taponim «Mitrapol», jaki zaraz u miežach horada), ličyć historyk Dzianis Lisiejčykaŭ, jaki padzialiŭsia ŭ fejsbuku vynikami svaich archiŭnych znachodak
Nie nadta raźbirajusia ŭ navahrudskaj tapahrafii i ŭ mahčymaj etymałohii nazvy vulicy (naprošvajecca niejki abjekt pad nazvaj «Dźvie Kazy»).
Ale pratakoły hienieralnych vizitacyj navahrudskich cerkvaŭ dajuć mahčymaść łakalizavać hetuju vulicu. Na joj znachodziłasia Uvaskresienskaja carkva.
Uzhadki vulicy ŭ vizitach:
20 vieraśnia 1680 hoda:
«Carkva Uvaskresieńnia Haspodnia […] na Dźviekazynskaj vulicy. […] Parafija hetaj carkvy ŭ horadzie Navahrudku vulica Dźviekazynskaja, Papkoŭskaja, Ihumienskaja […] Druhaja [prypisnaja] carkva Śviatoha Piatra ŭ majontku jaho miłaści ajca mitrapalita Litoŭcy».
1754 hod:
«Carkva treciaja Uvaskresienskaja. […] Hetaja carkva staić pry vulicy Dźviekazynskaj na mitrapalickaj jurydycy. Kala jaje nieaharodžanyja mohiłki. […] Uvaha! Hetaja carkva staić u vydatnym i viasiołym miescy («na wspaniałym i wesołym miejscu») na hary, niepadalok ad mitrapalickaha falvarku. […] Parafija ŭ horadzie vulica Dźviekazynskaja dom, druhaja Papkoŭskaja 12 damoŭ, vulica Ihumienskaja 2 damy, vulica Vilenskaja 6 damoŭ […] Kaplica filija, što naležyć Uvaskresienskaj carkvie, u vioscy Litoŭcy jaho miłaści ajca mitrapalita pabudavanaja pad tytułam Śviatych Apostałaŭ Piatra i Paŭła».
1765 hod:
«Carkva druhaja Uvaskresienskaja tamsama ŭ Navahrudku pry vulicy Dźviekazynskaj, za franciškanami, nad zavułkam na pahorku […] Hrunt, na jakim carkva i plabanija stajać, pamiž mitrapalickaj hreblaj adnym bokam, a druhim bokam — da zavułka, jaki idzie ad vulicy Dźviekazynskaj, upirajučysia adnym kancom u miesckija placy, a druhim — u vulicu Dźviekazynskuju, na jakim [hruncie] siadzić čaćviora jurydyčan […] Da hetaj ža Uvaskresienskaj carkvy naležyć filija ŭ Litoŭcy. […] Parafija ŭ horadzie: vulica Dźviekazynskaja, Papkoŭskaja, Ihumienskaja i Vilenskaja 21 dom».
Vizita 1798 hoda ŭžo nie adznačaje dakładnaje miescaznachodžańnie Uvaskresienskaj carkvy, a jaje parafiju apisvaje tak:
«U horadzie Navahrudku na vulicach Franciškanskaj, Vilenskaj i Papkoŭskaj 18 damoŭ».
Dźviekazynskuju vulicu hety dakumient užo nie zhadvaje.
Iraničnaja archiŭnaja znachodka: malitva, jakaja nie źbierahła hałoŭnaha ateista Vialikaha Kniastva Litoŭskaha ad vohnišča
Vychadziec ź biełaruskaj šlachty 28 hadoŭ kiravaŭ savieckaj zamiežnaj palitykaj. Čym zapomniŭsia Hramyka, jaki atrymaŭ mianušku Mistar Nie
Što pasłuchać pa historyi Biełarusi? Sabrali najlepšyja padkasty
Kamientary