Inicyjatyva Maldzis vykupiła pieršaje vydańnie «Žazła kiravańnia» («Žiezł' pravleniѧ») Simiaona Połackaha. Heta adzin z najbolš kaštoŭnych knižnych pomnikaŭ, stvoranych biełarusami.
«Žazło kiravańnia» było nadrukavanaje ŭ Maskvie ŭ 1667-ym hodzie na carkoŭnasłavianskaj movie i naležyć da nadzvyčaj redkich artefaktaŭ. Heta pieršaja vydadzienaja kniha biełaruskaha manacha-aśvietnika Simiaona Połackaha.
«Aśvietnik Simiaon Połacki — postać ahulnajeŭrapiejskaha maštabu i adna z samych jarkich asob u historyi Uschodniaj Jeŭropy ŭ XVII st. Šmat u čym jahonaje žyćcio i tvorčaść (u tym liku kniha «Žazło kiravańnia») adlustroŭvajuć kulturnuju śpiecyfiku Biełarusi jak jeŭrapiejskaj krainy z asablivaj identyčnaściu i histaryčnaj spadčynaj, jakaja skłałasia ŭ vyniku sintezu tradycyj i ŭpłyvaŭ Zachadu i Uschodu», — kaža kiraŭnik inicyjatyvy Pavieł Macukievič.
Kniha była nabytaja ŭ Polščy na srodki biełaruskich achviaradaŭcaŭ i ŭ budučyni budzie pieradadzienaja ŭ Muziej-biblijateku Simiaona Połackaha ŭ jakaści hramadskaha padarunka. Da viartańnia ŭ Połack kniha budzie vystaŭlacca padčas admysłovych mierapryjemstvaŭ za miežami Biełarusi.
Apiakun inicyjatyvy Maldzis Ryhor Astapienia zaznačaje: «Kniha «Žazło kiravańnia» źjaŭlajecca prykładam bahatych tradycyjaŭ palemičnaj litaratury, jakaja była šyroka raspaŭsiudžanaja akurat na biełaruskich ziemlach. Našyja prodki mienavita z dapamohaj movy palemičnych tekstaŭ, a nie zbroi imknulisia vyrašać mižkanfiesijnyja kanflikty. U tahačasnaj Rasiei takoj tradycyi nie isnavała. «Žazło kiravańnia» ličycca pieršym značnym palemičnym tvoram u rasiejskaj historyi».
-
Zakachany ŭ biełaruskuju movu matematyk i śviatar, jaki vyvučyŭ anhlijskuju pa detektyvach Ahaty Kryści. 100 hadoŭ Alaksandru Nadsanu
-
U Minsku z histaryčnaha doma na Vaładarskaha źnik znakamity «bałkon načalnika turmy»
-
Muziej paetki Jaŭhienii Janiščyc pieravieźli ŭ Pinsk. Ciapier usia ekspazicyja źmiaščajecca na dźviuch palicach
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary