U noč na 14 červienia ŭ Dubai zahareŭsia 67-paviarchovy žyły chmaračos Tiger Tower (taksama viadomy jak Marina Pinnacle), raźmieščany ŭ rajonie Dubai Marina. Pažar pačaŭsia kala 21:30 u piatnicu i chutka raspaŭsiudziŭsia pa vierchnich pavierchach, paviedamlaje vydańnie The National.
Na miescy zdareńnia apieratyŭna pracavali słužby hramadzianskaj abarony, pažarnyja, palicyja i miedyki. Udałosia evakujavać 3820 čałaviek z 764 kvater. Na ščaście, nichto nie paciarpieŭ. Ułady padkreślivajuć, što pryjarytetam padčas evakuacyi była biaśpieka i zdaroŭje žycharoŭ.
Specialized teams successfully evacuated all residents from the 67-storey building, prioritizing their health and safety throughout the operation. Efforts continue to fully contain the fire. pic.twitter.com/7q0O0FU38G
Pažar tušyli kala šaści hadzin. Da ranicy ahoń byŭ łakalizavany, adnak nad budynkam jašče doŭhi čas uzdymaŭsia dym — praciahvalisia achałodžvalnyja pracy. Dla evakujavanych byli arhanizavanyja miedycynskaja i psichałahičnaja dapamoha.
Z-za incydentu časova spynili ruch tramvajaŭ pamiž stancyjami Dubai Marina i Palm Jumeirah, zamiest ich kursavali aŭtobusy.
Marina Pinnacle — heta vialiki žyły chmaračos na 67 pavierchaŭ, raźličany na bolš za 3800 žycharoŭ. U hetym budynku ŭžo zdaralisia pažary: u 2015 hodzie ahoń uźnik na 47-m paviersie praz zaharańnie na kuchni.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary