Padatkaviki paviedamili, na jakija tavary buduć uvodzić markiroŭku
U Biełarusi płanujuć uvieści identyfikacyjnuju markiroŭku dla šerahu novych tavaraŭ. Pra heta paviedamiŭ padčas bryfinhu namieśnik ministra pa padatkach i zborach Uładzimir Mukvič.
Užo z 1 kastryčnika 2025 hoda markiroŭcy buduć padlahać biezałkaholnyja napoi, soki, mabilnyja telefony i noŭtbuki. Taksama razhladajecca mahčymaść uklučeńnia ŭ hety pieralik ikry asiatra i łasosia, rybnych kansiervaŭ u blašankach. Hetaja inicyjatyva pakul u stadyi raspracoŭki, ale płanujecca, što jana taksama moža nabyć moc z 1 kastryčnika.
Z 1 krasavika 2026 hoda MNS prapanuje pašyryć markiroŭku na častku tavaraŭ lohkaj pramysłovaści. Ułady adznačajuć, što na biełaruski rynak traplaje šmat pradukcyi biez naležnaha techničnaha kantrolu i biez vypłaty padatkaŭ i pošlin. Kab abaranić miascovych vytvorcaŭ i stvaryć roŭnyja ŭmovy kankurencyi, płanujecca markiroŭka:
- tavaraŭ lohkaj pramysłovaści;
- viełasipiedaŭ;
- pralnych srodkaŭ;
- matornych aliŭ i aŭtamabilnych techničnych vadkaściaŭ;
- parfumieryi i bytavoj chimii;
- vadkaściaŭ dla elektronnych sistem kureńnia;
- nikacinźmiaščalnaj pradukcyi biez tytuniu;
- elektronnych pryład dla kureńnia i sistem dla spažyvańnia tytuniu.
Častka hetych tavaraŭ užo ciapier markirujecca śpiecyjalnymi kantrolnymi znakami, ale płanujecca pierachod na novyja identyfikacyjnyja srodki.
Akramia taho, abmiarkoŭvajecca ŭviadzieńnie markiroŭki dla raślinnych alejaŭ, karmoŭ dla niepradukcyjnych žyvioł i myła.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»4
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary