Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami
Alaksandr Łukašenka 13 červienia naviedaŭ centr padrychtoŭki i prymianieńnia bieśpiłotnych avijacyjnych kompleksaŭ u Biarozaŭskim rajonie Bresckaj vobłaści, paviedamlaje jaho pres-słužba.
Łukašenka źviarnuŭ uvahu, što ŭdarnyja i raźviedvalnyja kompleksy raźvivajucca vielmi dynamična. Dla kiravańnia imi vykarystoŭvajucca ŭsio bolš daskanałyja i abaronienyja sposaby.
«Tamu najvažniejšaja zadača dla nas — aktyŭnaje raźvićcio srodkaŭ radyjoelektronnaj baraćby ź bieśpiłotnaj avijacyjaj», — padkreśliŭ jon.
«Takim čynam, my pavinny vyznačycca chacia b u pieršym nabližeńni: bieśpiłotnyja latalnyja kompleksy, aparaty (što heta takoje, my bačyli; dla čaho pryznačanyja, my taksama ŭbačyli) — jakija budziem vyrablać. Ich užo mnostva. Kali nie sotni, to dziasiatki dakładna. Zychodziačy ź situacyi, jakaja składajecca ŭ Biełarusi, zychodziačy z našych mahčymaściaŭ — što budziem vyrablać?
Jak budziem zmahacca suprać bieśpiłotnych latalnych kompleksaŭ — heta tema numar dva. Jak mnie zaŭsiody dakładvajuć, jana bližej da nas, my tut možam bolš», — źviarnuŭ uvahu Łukašenka.
— Naturalna, chaciełasia b mieć takuju cud-mašynu, jakaja b pracavała pa ŭsich bieśpiłotnikach i pazbaŭlała ich mahčymaści vykonvać svaje funkcyi. Kali my takoje vynajdziem, tady nam nie patrebnyja nijakija bieśpiłotniki».
Alaksandr Łukašenka taksama adznačyŭ, što luboje sučasnaje ŭzbrajeńnie moža efiektyŭna prymianiacca tolki pry naležnaj indyvidualnaj abaronie sałdata na poli boju.
Broniekamizelki, šlemy i inšaja bajavaja ekipiroŭka pavinny być nadziejnymi, lohkimi i ŭ toj ža čas zručnymi.
«U svoj čas mnoju staviłasia zadača, kab my vyrablali dastatkovuju kolkaść broniekamizelek, kab zabiaśpiečyć Uzbrojenyja siły Biełarusi i ŭ tym liku dla realizacyi na ekspart. My taksama pavinny vyznačyć, što my možam, jakija broniekamizelki budziem vyrablać, jakuju abaronu zabiaśpiečym našym sałdatam na poli boju», — skazaŭ Łukašenka.
— Naturalna, heta zapatrabuje navukovaha padychodu, moža być u poŭnaj miery zroblena tolki z vykarystańniem jakasnych materyjałaŭ. Biez hetaha taksama niemahčyma. Što my možam u hetym płanie? Što nie možam? Jak budziem tut dziejničać?»
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»25
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
I heta budzie vykonvać toj samy niavinny praściejšy hubiernski narodziec ź niejkaha bhuira, jaki moža navat u svoj čas švendaŭsia z płakacikami suprać "kałchoźnika".