U Miniesocie napali na damy dvuch palitykaŭ-demakrataŭ, jość achviary
U amierykanskim štacie Miniesota adbylisia ŭzbrojenyja napady na damy dvuch miascovych palitykaŭ-demakrataŭ. U vyniku adna ź ich, Mielisa Chortman, była zabitaja razam z mužam Markam, a sienatar štata Džon Chofman i jaho žonka Ivieta atrymali ranieńni dy byli praapieravanyja, piša Bi-bi-si.
Pavodle słoŭ hubiernatara Miniesoty Cima Uołza, napady adbylisia ŭ nasielenych punktach Čamplin i Bruklin-Park, niedaloka ad Minieapalisa. Jon miarkuje, što napad moh mieć palityčnuju matyvacyju. Džon Chofman i jahonaja žonka atrymali niekalki ahniastrelnych ran, ale jość nadzieja, što jany vyžyvuć.
Napadnik byŭ apranuty ŭ palicejskuju formu. Pieršy vyklik u palicyju pastupiŭ kala druhoj nočy — jon tyčyŭsia doma sienatara Chofmana. Druhi vyklik — u 3:35 — byŭ užo na adras Chortman. Kali palicejski pryjechaŭ tudy, jon sutyknuŭsia z napadnikam, ale toj zmoh uciačy.
Na hety momant złačynca ŭsio jašče na voli. Ułady papiaredžvajuć žycharoŭ, kab jany nie adčyniali dźviery nieznajomcam, navat kali tyja ŭ formie: sapraŭdnyja palicejskija ciapier buduć pracavać tolki parami.
Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie
«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa
Tramp: Niekatoryja ŭ Iranie śmieła havaryli. Ciapier jany miortvyja, i budzie jašče horš!
Kamientary