Pavodle infarmacyi ad krynic Supolnaści čyhunačnikaŭ Biełarusi i analizie dziejnaści na Biełaruskaj čyhuncy, u pieryjad z 14 pa 30 červienia 2025 hoda čyhunačnym transpartam u Biełaruś budzie dastaŭleny hruz, jaki adnosicca da 1 kłasa niebiaśpieki — vybuchovyja materyjały, a mienavita avijacyjnaje ŭzbrajeńnie: avijabomby i rakiety roznych typaŭ.
Dla pavyšeńnia biaśpieki na niekatorych učastkach čyhunki (Baranavičy i Viciebsk) uviali strohija patrabavańni: rabotnikam daručana być asabliva pilnymi da nieznajomych asob i padazronych pradmietaŭ.
Miescami pryznačeńnia hruzaŭ stanuć stancyi Lida i Prudok Haradockaha rajona, jakija znachodziacca niepadalok ad vajskovych aeradromaŭ i arsienałaŭ avijacyjnych bojeprypasaŭ.
Asabliva adznačajecca, što arsienał kala Prudka źjaŭlajecca adzinym u krainie i absłuhoŭvaje ŭsie asnoŭnyja vajskovyja aeradromy Biełarusi. U 2024 hodzie siudy pastupiła najbolšaja kolkaść rasijskich bojeprypasaŭ.
Pakul dakładnyja stancyi adpraŭleńnia i abjomy hruzaŭ nieviadomyja, ale ŭ vypadku źjaŭleńnia dadatkovaj infarmacyi Supolnaść čyhunačnikaŭ Biełarusi abiacaje paviedamić padrabiaznaści pra adpraŭnikoŭ, atrymalnikaŭ i abjomy.
Kamientary
Para ukraincam prykład brać...