Minčanka addała 67 000 rubloŭ 81-hadovaj piensijaniercy, a taja adviezła najaŭnyja za miažu
U Pieršamajskaje RUUS stalicy źviarnułasia 70-hadovaja žančyna, jakaja pavieryła machlaram, što pazvanili joj ad imia «Biełtelekama», paviedamlaje «Milicyja Minska».
Žančyna zhadziłasia zadekłaravać hrošy, kab ich nie kanfiskavali padčas pieratrusu, pra što napisała adpaviednuju zajavu, paśla čaho addała kurjeru nibyta Nacyjanalnaha banka kala 67 000 rubloŭ u ekvivalencie.
Śledčyja ŭstanavili, što hrošy zajaŭnicy zabrała 81-hadovaja piensijanierka. Raniej žančyna sama stała achviaraj machlaroŭ, jakija dziejničali pa toj ža schiemie.
Ašukancy zapeŭnili, što ad jaje imia pravodziacca niezakonnyja finansavyja apieracyi i, kab nie stać fihurantam kryminalnaj spravy, treba akazać dapamohu pravaachoŭnym orhanam. Pa ŭkazańni machlaroŭ piensijanierka «dapamahła» zajaŭnicy zadekłaravać hrašovyja srodki i adviezła jaje źbieražeńni ŭ susiedniuju dziaržavu, dzie pieradała nieviadomym.
Zaviedziena kryminalnaja sprava za machlarstva.
Ciapier čytajuć
Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu10
Kamientary