Мінчанка аддала 67 000 рублёў 81-гадовай пенсіянерцы, а тая адвезла наяўныя за мяжу
У Першамайскае РУУС сталіцы звярнулася 70-гадовая жанчына, якая паверыла махлярам, што пазванілі ёй ад імя «Белтэлекама», паведамляе «Міліцыя Мінска».
Жанчына згадзілася задэклараваць грошы, каб іх не канфіскавалі падчас ператрусу, пра што напісала адпаведную заяву, пасля чаго аддала кур’еру нібыта Нацыянальнага банка каля 67 000 рублёў у эквіваленце.
Следчыя ўстанавілі, што грошы заяўніцы забрала 81-гадовая пенсіянерка. Раней жанчына сама стала ахвярай махляроў, якія дзейнічалі па той жа схеме.
Ашуканцы запэўнілі, што ад яе імя праводзяцца незаконныя фінансавыя аперацыі і, каб не стаць фігурантам крымінальнай справы, трэба аказаць дапамогу праваахоўным органам. Па ўказанні махляроў пенсіянерка «дапамагла» заяўніцы задэклараваць грашовыя сродкі і адвезла яе зберажэнні ў суседнюю дзяржаву, дзе перадала невядомым.
Заведзена крымінальная справа за махлярства.
Каментары