Na vyjezd ź Biełarusi praz Brest čakajuć kala 1800 aŭtamabilaŭ i aŭtobusaŭ
Ciapier na vyjezd ź Biełarusi čakajuć kala 1,8 tysiačy aŭtamabilaŭ i aŭtobusaŭ, a siaredni čas čakańnia apaviaščeńnia ab pierasiačeńni miažy pieravyšaje dvoje sutak. Na ŭjezd u Biełaruś čakajuć 85 transpartnych srodkaŭ, paviedamiła pres-słužba Dziaržaŭnaha mytnaha kamiteta.
Pryčynaj značnaha pavieličeńnia čerhaŭ mytniki nazyvajuć «nierytmičnaść sumiežnych kantralujučych słužbaŭ pry pryjomie i padačy transpartnych srodkaŭ, nieabchodnaść praviadzieńnia roznych formaŭ mytnaha kantrolu, a taksama pieryjad adpačynkaŭ».
Biełaruskaja mytnia taksama adznačaje rost kolkaści parušeńniaŭ pry pieramiaščeńni tavaraŭ praź biełaruska-polskuju miažu. Usio čaściej ludzi sprabujuć pravieźci tavary praz tajniki.
Tolki za apošnija try miesiacy na punkcie propusku «Brest» da administracyjnaj adkaznaści było pryciahnuta bolš za 1300 čałaviek, u 50 vypadkach tavary sprabavali ŭvieźci patajemna. Štodnia fiksujecca bolš za 20 parušeńniaŭ.
Taksama nazirajecca rost sprob niezakonnaha ŭvozu zabaronienych i abmiežavanych da pieramiaščeńnia rečyvaŭ. Z krasavika ŭžo spyniena 12 złačynstvaŭ, źviazanych z narkatyčnymi i psichatropnymi rečyvami.
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin6
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1919
Kamientary
-- ciel pojezdki ?
-- mojej ?
-- nu nie mojej žie !
-- za pokupkami jedu , čto-to dietiam kuplu .
-- čto vieziotie , oružije , dieńhi , narkotiki ?
-- nietu u mienia ničieho zaprieŝionnoho .
-- a vot siejčas my provierim , jesť u vas čto-to zaprieŝionnoje ili nietu !