Tramp uchvaliŭ płan ataki na Iran, ale pakul ustrymlivajecca ad zahadu
Prezident ZŠA Donald Tramp uchvaliŭ vajenny płan udaraŭ pa Iranie, ale ŭstrymlivajecca ad kančatkovaha zahadu, nazirajučy za tym, ci admovicca Tehieran ad svajoj jadziernaj prahramy, paviedamlaje The Wall Street Journal.
Pavodle vydańnia, u aŭtorak uviečary Tramp paviedamiŭ svaim staršym daradcam, što ŭchvaliŭ vajennyja płany adnosna Irana, ale ŭstrymlivajecca ad kančatkovaha zahadu, nazirajučy za tym, ci admovicca Tehieran ad svajoj jadziernaj prahramy.
«Ja mahu heta zrabić, a mahu i nie zrabić. Nastupny tydzień budzie vielmi važny, mahčyma, mienš za tydzień», — zajaviŭ Tramp, adkazvajučy na pytańnie, ci vyrašyŭ jon nanieści ŭdar pa jadziernych abjektach Irana.
Viarchoŭny lidar Irana, ajatała Ali Chamieniei, zajaviŭ, što Iran nie zdasca i papiaredziŭ, što luboje vajennaje ŭmiašańnie ZŠA pryviadzie da «niepapraŭnych nastupstvaŭ».
«Tym časam ZŠA značna naroščvajuć svaju vajennuju prysutnaść na Blizkim Uschodzie. Treci eśminiec VMS ZŠA ŭvajšoŭ va ŭschodniuju častku Mižziemnaha mora, a druhaja amierykanskaja avijanosnaja ŭdarnaja hrupa nakiroŭvajecca da Aravijskaha mora. Choć Pientahon zajaŭlaje, što hetyja dziejańni nosiać vyklučna abarončuju pryrodu, adnak jany palapšajuć pazicyi ZŠA na vypadak, kali Tramp vyrašyć dałučycca da izrailskich atak na Iran».
Vydańnie miarkuje, što takija dziejańni taksama mohuć być taktykaj cisku, kab prymusić Iran kapitulavać abo pajści na sastupki.
Supraćbunkiernaja bomba ZŠA: što pra jaje viadoma i ci sapraŭdy jana moža razburyć jadziernyja bunkiery Irana?
Paśla adchileńnia Iranam ultymatumu Trampa ZŠA pasyłajuć na Blizki Uschod treci avijanosiec
U Iranie amal całkam adklučyli internet
«Davaj spačatku raźbiaremsia z Rasijaj». Tramp adkazaŭ na prapanovu Pucina ab pasiarednictvie na Blizkim Uschodzie
Kamientary
Vriemia tvojo ušło, ajatołłłłła i dažie chamieniei, kak pieł kohda-to Vysockij