Zvarot Trampa da nacyi: Jadziernyja abjekty Irana całkam źniščanyja
Bieły dom apublikavaŭ fotazdymki prezidenta ZŠA Donalda Trampa i jaho kamandy, zroblenyja ŭ Situacyjnaj zale ŭ momant, kali nanosiŭsia ŭdar pa Iranie, a taksama zvarot Trampa da nacyi.
U zvarocie da nacyi Tramp nazvaŭ bambardziroŭki» vydatnym vajennym pośpiecham» i zajaviŭ, što ciapier Iran pavinien zaklučyć mir. Jon nahadaŭ, što źniščanyja abjekty byli samymi bujnymi i najbolš niebiaśpiečnymi, ale ŭ Iranie «jašče zastałosia šmat celaŭ», i dalejšyja ataki mohuć być jašče bolš razburalnymi.
«Tak praciahvacca nie moža. Budzie albo mir, albo trahiedyja dla Irana», — skazaŭ Tramp.
«40 hadoŭ jany kryčali «śmierć» Amierycy i Izrailu, zabivali i zabivali, ja daŭno chacieŭ pakłaści hetamu kaniec, my pracavali ź Nietańjachu jak adna kamanda».
«Chulihan Blizkaha Uschodu pavinien zaklučyć mir — nieadkładna».
«Heta budzie albo mir, albo trahiedyja dla Irana. Zastałosia jašče mnostva celaŭ».
«Chaj dabrasłavić Boh Blizki Uschod, Izrail i Amieryku!»
Tramp pastaviŭ ultymatum Iranu: «Iran pavinien nieadkładna spynić vajnu i zaklučyć mir, inakš pa im naniasuć novy ŭdar».
Upieršyniu ŭ historyi ŭ atacy brali ŭdzieł bambardziroŭščyki B-2 koštam 2 młrd dołaraŭ kožny, jany skinuli 6 supraćbunkiernych bombaŭ GBU-57 na Fardo.
Samaloty B-2 lacieli biez prypynkaŭ kala 37 hadzin z bazy ŭ Misury i niekalki razoŭ dazapraŭlalisia ŭ pavietry.
30 rakiet «Tamahaŭk» byli vypuščanyja pa Natanzie i Isfachanie z padvodnych łodak.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary