Vyzvaleny palitviazień Bałachonaŭ: Babaryka ŭvieś čas na ŠIZA i PKT
Kirył Bałachonaŭ, fihurant spravy «Sajuza biełaruskaha nacyjanalnaha ščyta», čata na piaciarych čałaviek, raskazaŭ «Radyjo Svaboda», što jamu viadoma pra Viktara Babaryku.
«Babaryku bačyli?» — spytaŭ u Bałachonava žurnalist.
«Babaryka ŭvieś čas siadzić na ŠIZA i PKT i bolš za dva hady jon nie źjaŭlajecca», — adkazaŭ jon.
Bałachonaŭ dadaŭ, što Cichanoŭskaha praz 5 hadoŭ jon nie paznaŭ.
«Ja jaho pamiataju jašče ŭ 20-m hodzie, jon byŭ taki masiŭny, ciapier… Prosta žach, što robicca ŭ kałonijach», — kaža jon.
Chłopiec dadaje, što adčuvaje źmiešanyja pačućci nakont svajho vyzvaleńnia.
«Ja adčuŭ i radaść, i nierazumieńnie taho, čamu mienavita vyzvalili mianie. Čamu nie jakichści inšych ludziej? Heta dahetul dla mianie zastajecca zahadkaj», — skazaŭ jon.
Na pytańnie, a kaho, jak jon miarkuje, varta było vyzvalić u pieršuju čarhu, jon adkazaŭ:
«Tych, chto sapraŭdy ŭ hetym majuć patrebu: jak Babaryka, Łosik, Pačobut, nu i inšyja miedyjnyja asoby».
U studzieni 2025 hoda źjaviłasia karotkaje videa Ramana Pratasieviča ź Viktaram Babarykam. Na videa Babaryka vyhladaŭ schudniełym, ale «žyvym» i «ŭ dobrym humory». Heta było pieršaje publičnaje źjaŭleńnie Babaryki za doŭhi čas.
21-hadovy Kirył Bałachonaŭ byŭ adnym ź piaci ŭdzielnikaŭ zakrytaha čata «Sajuz biełaruskaha nacyjanalnaha ščyta». Śćviardžałasia, što chłopiec źbiraŭsia pajechać abaraniać Ukrainu. Maładoha čałavieka zatrymali 8 listapada 2022 hoda, kali jamu było ŭsiaho 18 hadoŭ.
Jaho sudzili pa dvuch artykułach KK — «stvareńnie ekstremisckaha farmavańnia abo ŭdzieł u im» (art. 361-1) i «sadziejničańnie ekstremisckaj dziejnaści» (art. 361-4).
Sudździa Alena Bačyšča 7 lipienia 2023 hoda dała jamu try z pałovaj hoda pazbaŭleńnia voli ŭ kałonii va ŭmovach uzmocnienaha režymu
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Heta niejki ździek łukašyzmu