Ukraina ŭviała sankcyi suprać zavoda ŭ Biełarusi, jaki vyrablaje detali snaradaŭ dla rasijskich «Hradaŭ»
Zavod dakładnaj elektramiechaniki ŭ Stańkavie źjaŭlacca adnym z 16 biełaruskich pradpryjemstvaŭ, datyčnych da zabieśpiačeńnia rasijskich sistem załpavaha ahniu.
Prezident Ukrainy Uładzimir Zialenski zaćvierdziŭ svaim ukazam rašeńnie Rady nacyjanalnaj biaśpieki i abarony ab sankcyjach suprać fizičnych i jurydyčnych asob z Rasii, Biełarusi i Kitaja za padtrymku rasijskaj ahresii suprać Ukrainy. Pra heta paviedamlaje Biełaruskaja słužba «Radyjo Svaboda».
Jak adznačajecca ŭ apublikavanym tekście ŭkaza, Ukraina ŭviała sankcyi suprać Respublikanskaha vytvorčaha ŭnitarnaha pradpryjemstva «Zavod dakładnaj elektramiechaniki», što znachodzicca ŭ Stańkavie Dziaržynskaha rajona Minskaj vobłaści.
Hety zavod, pavodle rasśledavańnia arhanizacyi byłych siłavikoŭ BelPol, źjaŭlajecca adnym z 16 biełaruskich pradpryjemstvaŭ, što ŭ toj ci inšaj stupieni zadziejničanyja ŭ vytvorčaści detalaŭ snaradaŭ dla rasijskich sistem załpavaha ahniu BM-21 «Hrad».
Zhodna z rašeńniem, sankcyi ŭvodziacca na 10 hadoŭ. Siarod abmiežavańniaŭ — błakiroŭka aktyvaŭ, zabarona na ŭdzieł u dziaržaŭnych tendarach, pryvatyzacyi i handlovych apieracyjach.
Prezident Zialenski paviedamiŭ, što hetymi sankcyjami va Ukrainie pačałasia «vialikaja praca» pa ŭviadzieńni abmiežavańniaŭ suprać tych, chto dziejničaje na časova akupavanych terytoryjach, apraŭdvaje ahresiju abo spryjaje Rasii ŭ jaje realizacyi.
«Vyjaŭlajem usie schiemy, što pracujuć na karyść akupanta i, jak vynik, — suprać Ukrainy, i błakirujem ich. Pracujem taksama nad poŭnaj sinchranizacyjaj ukrainskich sankcyj z rašeńniami partnioraŭ», — zajaviŭ Zialenski.
Zavod dakładnaj elektramiechaniki zajmajecca raspracoŭkaj i vytvorčaściu vajskovaj pradukcyi, a taksama pradastaŭlaje telekamunikacyjnyja pasłuhi. Heta hałaŭnoje pradpryjemstva pa raspracoŭcy i vytvorčaści rakietnaha ŭzbrajeńnia, u tym liku reaktyŭnaj sistemy załpavaha ahniu V-200 «Pałanez» i kompleksu V-300RK «Pałanez-M», jakija Rasija vykarystoŭvaje padčas vajny va Ukrainie.
Jeŭrasajuz uvioŭ sankcyi suprać hetaha pradpryjemstva ŭ lutym 2024 hoda ŭ miežach 13-ha pakieta. Da ich dałučylisia i šerah krain-partnioraŭ Jeŭrasajuza.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary
Jany jość tolki na uzbrajeńni u Biełarusi i Azierbajdžana. Patrabujecca dazvoł ad Kitaja pry prodažy,tamu što heta sumiesnaja raspracoŭka. Kitajcy dali dazvoł tolki na prodaž Azierbajdžancy.
1. doŭhaterminovaja zaležnaść ad Rasii pa palivu dla AES
2. pramy uron abaronazdolnaści Biełarusi
3. masavaje hłumleńnie śpiecyjalistaŭ jak u kałonijach, tak i na voli
i anivodnaha paciarpiełaha cierciela