Dzied novaj kiraŭnicy brytanskaj raźviedki MI6 pracavaŭ na nacystaŭ u SSSR i nasiŭ mianušku «Miaśnik»
Upraŭleńnie brytanskaj zamiežnaj raźviedki MI6 paśpiašałasia zajavić, što historyja siamji budučaj kiraŭnicy słužby Błejz Mietrevieli nie paŭpłyvaje na jaje pracu. Jak vyśvietliłasia na hetym tydni, u hady Druhoj suśvietnaj vajny jaje dzied supracoŭničaŭ z nacystami i nasiŭ mianušku «Miaśnik», piša Bi-bi-si.
Pra toje, što Błejz Mietrevieli stanie novaj kiraŭnicaj Sakretnaj raźviedvalnaj słužby, było abvieščana ŭ siaredzinie červienia. Za ŭsiu 116-hadovuju historyju viedamstva, kiraŭnika jakoha tradycyjna paznačajuć litaraj «S», jana stanie pieršaj žančynaj na hetaj kiroŭnaj pasadzie.
Pra jaje minułaje viadoma davoli mała. Ale, pavodle zachavanych archiŭnych dakumientaŭ, jana źjaŭlajecca ŭnučkaj Kanstancina Dabravolskaha, jaki padčas Druhoj suśvietnaj uciok z savieckaj Čyrvonaj Armii i staŭ hałoŭnym infarmataram nacystaŭ va ŭkrainskim Čarnihavie.
Adnak brytanskaje MZS, jakoje tradycyjna vystupaje ad imia sakretnaj MI6, zajaviŭ, što Błejz Mietrevieli «nie viedała svajho dzieda pa baćkoŭskaj linii i nikoli ź im nie sustrakałasia».
Pradstaŭnik Foryn-ofisa dadaŭ: «U siamiejnaj historyi Błejz było niamała kanfliktaŭ i razychodžańniaŭ — što, jak heta časta byvaje z pradstaŭnikami narodaŭ Uschodniaj Jeŭropy, jašče nie da kanca asensavanych i pieražytych. I mienavita takaja składanaja siamiejnaja spadčyna vychavała ŭ joj imknieńnie praduchilać kanflikty i abaraniać hramadstva ad novych pahroz z boku varožych dziaržaŭ, padrychtavaŭšy jaje da kiraŭnictva MI6».
Tabłoid Daily Mail, jaki pieršym vyjaviŭ patencyjna kampramietujučuju siamiejnuju suviaź, paviedamlaje, što ŭ archivach Frajburha žurnalisty znajšli sotni staronak dakumientaŭ, što paćviardžajuć: u hady vajny Dabravolski byŭ viadomy kamandziram viermachta jak «Miaśnik» abo «Ahient № 30».
(Jon naradziŭsia ŭ 1906 hodzie pablizu Saśnicy na Čarnihaŭščynie, taksama paviedamlałasia, što ŭ jahonych baćkoŭ moh być majontak, kanfiskavany savieckaj uładaj, a sam Dabravolski ŭ pačatku 1930-ch byŭ represavany. — NN)
Paviedamlajecca, što listy da svaich nacysckich načalnikaŭ jon zakančvaŭ słovami «Chajl Hitler!» i śćviardžaŭ, što asabista ŭdzielničaŭ u «vyniščeńni habrejaŭ». Archiŭnyja dakumienty, pavodle publikacyi, taksama śviedčać, što Dabravolski rabavaŭ cieły zabitych achviaraŭ Chałakostu, a taksama asabista ŭdzielničaŭ u zabojstvach miascovych habrejaŭ i śmiajaŭsia, nazirajučy za zhvałtavańniami žančyn-źniavolenych.
BBC vyjaviła śviedčańni, što dazvalajuć mierkavać: u 1969 hodzie Dabravolski byŭ u śpisie asob, jakich šukaŭ KDB. Tam padrabiazna apisvajecca jaho praca na nacystaŭ i vykazvajecca zdahadka, što na toj momant jon jašče moh być žyvy.
Dakumient pad hryfam «zusim sakretna», atrymany BBC ad daśledčykaŭ, ujaŭlaje saboj 460-staronkavy ałfavitny śpis «ahientaŭ zamiežnaj raźviedki, zdradnikaŭ radzimy, členaŭ antysavieckich arhanizacyj, karnikaŭ i inšych złačyncaŭ, jakija padlahajuć vyšuku».
U zapisie, jaki, vierahodna, adnosicca da Dabravolskaha, havorycca, što jon «udzielničaŭ u rasstrełach savieckich hramadzian».
«U toj ža čas jon byŭ rezidentam niamieckaj raźviedki, — havorycca ŭ dakumiencie, ź jakim aznajomiłasia Bi-bi-si. — I ŭ vieraśni 1943 hoda dezierciravaŭ da niemcaŭ».
Paśla vajny žonka Dabravolskaha Varvara z dvuchmiesiačnym synam Kanstancinam uciakła ŭ Vialikabrytaniju, dzie ŭ 1947 hodzie vyjšła zamuž za Davida Mietrevieli.
Paźniej Kanstancin-małodšy ŭziaŭ proźvišča ajčyma — Mietrevieli, choć Bi-bi-si znajšła jaho śviedčańnie ab naturalizacyi, datavanaje lipieniem 1966 hoda, jakoje dahetul zachoŭvajecca ŭ Nacyjanalnym archivie. Tam jaho proźvišča ŭsio jašče paznačana jak Dabravolski, a Mietrevieli pryviedziena jak «psieŭdanim».
Kanstancin-małodšy paśla słužyŭ u brytanskaj armii i staŭ renthienołaham.
A ŭ 1977 hodzie ŭ jaho naradziłasia dačka Błejz Mietrevieli, jakoj było nakanavana praz 22 hady ŭładkavacca na pracu ŭ MI6.
Jana sama nijak nie prakamientavała ŭsie hetyja niadaŭnija paviedamleńni.
Zrabiŭšy ŭ MI6 vydatnuju karjeru, jana dasłužyłasia da pasady dyrektara Sakretnaj raźviedvalnaj słužby pa technałohijach i inavacyjach, a ŭ hetym hodzie stanie jaje 18-m kiraŭnikom, źmianiŭšy na hetaj pasadzie sera Ryčarda Mura.
Paśla abviaščeńnia ab pryznačeńni Mietrevieli zajaviła, što «hanarycca i ŭdziačnaja» za prośbu ŭznačalić ahienctva.
Błejz Mietrevieli — vypusknica Kiembrydža, u minułym zajmała apieratyŭnyja pasady ŭ Jeŭropie i na Blizkim Uschodzie.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary