Orban upieršyniu prakamientavaŭ rekordny pa maštabie ŁHBT-prajd u Budapiešcie
Premjer-ministr Vienhryi ŭ svaich pieršych kamientaryjach ab samym maštabnym u historyi Budapiešta ŁHBT-prajdzie nazvaŭ jaho «jašče adnym dokazam» taho, čamu krainie patrebny kansiervatyŭny ŭrad.
Orban zajaviŭ: «Brusiel addaŭ zahad, što ŭ Budapiešcie pavinien być prajd, a palityki-maryjanietki vykanali zahad», piša «Jeŭrapiejskaja praŭda».
«Heta dokaz taho, jakim było b naša žyćcio, kali b krainaj nie kiravaŭ urad, jaki abaraniaje naš suvierenitet… Dziakujučy ŭčorašniamu dniu my ź jašče bolšaj upeŭnienaściu viedajem, što hetych ludziej nielha nikudy dapuskać», — zajaviŭ Orban.
Jon taksama aburyŭsia «ahidnymi i haniebnymi rečami» padčas prajdu, adniosšy da takich mužčyn na abcasach i raspaŭsiudžvańnie brašur pra harmanalnuju terapiju.
ŁHBT-prajd u Budapiešcie 28 červienia staŭ samym maštabnym dla Vienhryi — u značnaj stupieni z-za rezanansu vakoł jaho zabarony, jaki pieratvaryŭ padzieju ŭ svajho rodu pratest suprać Viktara Orbana. U mierapryjemstvie pryniali ŭdzieł mery šerahu jeŭrapiejskich haradoŭ, a na čale kałony išoŭ apazicyjny mer Budapiešta».
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary