U Biełarusi zachoŭvajecca praciahłaja vietranaje nadvorje, pra što paviedamlaje pogoda.by. Sinoptyki znoŭ papiaredzili biełarusaŭ pra mocny viecier, jaki budzie dasiahać chutkaści da 20 mietraŭ u siekundu 1 lipienia. Biełhidramiet abviaściŭ na hety dzień aranžavy ŭzrovień niebiaśpieki na hety dzień.
Pavodle prahnozu, nad terytoryjaj krainy budzie znachodzicca zona pavyšanaha atmaśfiernaha cisku, adnak na paŭnočnym uschodzie zachavajecca ŭpłyŭ chałodnaj i niestabilnaj pavietranaj masy. Dzień projdzie ź pieramiennaj vobłačnaściu, u asnoŭnym biez apadkaŭ, ale ŭ paŭnočna-ŭschodnich rehijonach mahčymyja karotkačasovyja daždžy i miescami navalnicy.
Viecier budzie paŭnočna-zachodniaha napramku. Udzień paryvy ŭzmocniacca i dasiahnuć 15-20 m/s u mnohich rajonach.
Tempieratura pavietra nočču apuścicca da +9 — +14 hradusaŭ, a dniom paciapleje da +19 — +25 hradusaŭ.
Za dzień da hetaha mocny viecier nanios šmat škody: padali drevy, jakija pierakryvali darohi i paškodzili aŭtamabili. U Minsku paciarpieli dva čałavieka, adzin — u Maładziečnie. Taksama ŭ MNS paviedamili, što na voziery pad Połackam viecier źnios šeść turystaŭ padčas vodnaha fiestyvalu.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary