Ukraina atakavała vajskovy zavod u Čuvašyi, jaki robić kampanienty dla «šachiedaŭ» i rakiet «Iskander»
U noč na 5 lipienia Ukraina ŭdaryła pa rasijskim vajskovym zavodzie «VNIIR-Prahres» u Čabaksarach (Čuvašskaja Respublika).
Cellu byli mahutnaści pa vytvorčaści adaptyŭnych antennych rašotak «Kamieta» — jany vykarystoŭvajucca ŭ «šachiedach», rakietach «Iskander-K», u modulach dla kiravanych avijabombaŭ i inšym vysokadakładnym uzbrajeńni.
«Paćvierdžana, što srodki paražeńnia dasiahnuli rajona celi. Vyniki ŭdakładniajucca», — paviedamiŭ Hienštab USU.
Kiraŭnik Čuvašyi Aleh Nikałajeŭ paćvierdziŭ ataku na zavod. Jon skazaŭ, što vytvorčaść nie pracuje paśla minułaj ataki ŭ červieni hetaha hoda
«Siońnia ranicaj u Čuvašyi zafiksavanaja ataka dvuma ŭkrainskimi bieśpiłotnikami. Dziakujučy zładžanaj pracy ekstrannych słužbaŭ udałosia paźbiehnuć achviar i paciarpiełych.
Adzin dron upaŭ na dach pustujučaha budynka AT «VNIIR», vytvorčaść na jakim prypyniena paśla papiaredniaj ataki ŭ červieni biahučaha hoda, druhi paškodziŭ skład na Łapsarskim prajeździe, jaki budujecca», — adznačyŭ kiraŭnik rehijonu.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała4
Kamientary