Udzielničaŭ u paradzie, a ciapier ekstremist. Za palityku asudzili mazyrčuka
34‑hadovaha Michaiła Pałaźnika asudzili, imavierna, pa spravie Hajuna.
Michaiłu Pałaźniku 34 hady. Rodam jon z Mazyra. U 2013—2014 hadach prachodziŭ słužbu ŭ Minsku — vidavočna, u vojskach suviazi. Michaił navat braŭ udzieł u aficyjnym paradzie 3 lipienia 2014 hodzie, za što byŭ uznaharodžany hramataj ź miedalom i padziakaj ad Łukašenki za podpisam tahačasnaha ministra abarony Juryja Žadobina.
Pałaźnik zachaplajecca aŭtamabilami. Miarkujučy ź jaho sacsietkach, Michaił — fanat marki Peugeot, jeździŭ na madeli 308 i dobra ŭ ich raźbiraŭsia. Jon časta dapamahaŭ inšym aŭtaamataram paradami pa ramoncie, dzialiŭsia instrukcyjami, jak razabrać panel ci papravić pravodku.
Michaiła sudzili pavodle častak 1 i 2 artykuła 361‑4 Kryminalnaha kodeksa («Sadziejničańnie ekstremisckaj dziejnaści»). Dakładnyja abstaviny spravy nieviadomyja, ale časta pa hetym artykule sudziać za paviedamleńni ŭ čat-bot kanała «Biełaruski Hajun».
Prysud užo ŭstupiŭ u zakonnuju siłu, i ciapier mužčyna adbyvaje pakarańnie — miarkujučy z usiaho, heta chimija z nakiravańniem.
«Naša Niva» — bastyjon biełaruščyny
PADTRYMAĆCiapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca44
Kamientary