Kino11

«Nie chacieŭ by pamierci na zdymačnaj placoŭcy». Majkł Duhłas sychodzić z kino

80-hadovy amierykanski akcior, dvojčy łaŭreat premii «Oskar» Majkł Duhłas abviaściŭ, što zaviaršaje kinakarjeru.

Fota: Daniele Venturelli/Getty Images

Pra heta akcior raspavioŭ padčas pres kanfierencyi na kinafiestyvali ŭ Karłavych Varach, dzie jon pradstaŭlaŭ adrestaŭravany film Miłaša Formana «Palot nad hniazdom ziaziuli». Duhłas byŭ supradziusieram filma, piša Bi-bi-si.

Svaju apošniuju rolu, zasnavalnika ZŠA Biendžamina Franklina, jon syhraŭ u 2022 hodzie ŭ sieryjale «Franklin» na Apple TV+, jaki vyjšaŭ na ekrany ŭ 2024-m.

«U mianie była vielmi nasyčanaja karjera. Ciapier ja naŭmysna nie pracavaŭ z 2022 hoda, bo zrazumieŭ, što pavinien spynicca», — cytuje jaho the Guardian.

«Ja davoli šmat pracavaŭ amal 60 hadoŭ i nie chacieŭ być adnym z tych ludziej, jakija pamirajuć na zdymačnaj placoŭcy», — dadaŭ akcior. «Ja vielmi rady ŭziać adpačynak. Ale ŭ mianie niama niejkich kankretnych namieraŭ. Kali zdarycca niešta asablivaje, ja zmahu viarnucca», — skazaŭ Duhłas.

Jon taksama dadaŭ, što «całkam ščaślivy» hladzieć, jak pracuje jaho žonka aktorka Ketryn Zeta-Džons.

Jon taksama skazaŭ, što «sprabuje atrymać dobry scenar» dla nievialikaha niezaležnaha filma, ale pažartavaŭ, što nie honicca za pracaj, a jaho hulnia ŭ holf palapšajecca.

U 2010 hodzie Duhłas prajšoŭ kurs chimijaterapii i apramieńvańnia ad raku horła čaćviortaj stadyi. U Karłavych Varach jon raspavioŭ, što jamu «pašancavała» paźbiehnuć apieracyi, padčas jakoj jamu mahli vydalić častku skivicy i jon nie zmoh by hrać dalej.

Na pres-kanfierencyi Duhłas taksama prakamientavaŭ palityčnuju situacyju ŭ ZŠA, skazaŭšy, što adčuvaje, što jaho kraina «flirtuje z aŭtakratyjaj».

Majkł Duhłas naradziŭsia ŭ siamji vydatnaha amierykanskaha akciora jaŭrejska-biełaruskaha pachodžańnia Kirka Duhłasa. Dzied i babula Majkła pa baćkavaj linii, Hieršel i Brunia Daniłovičy, byli habrejskimi emihrantami z horada Čavusy. Maci — amierykanskaja aktrysa Dajena Dził.

Akcior nie adrazu staŭ viadomym, ale spradziusavanaja im u 1975 hodzie stužka Miłaša Formana «Palot nad hniazdom ziaziuli» z Džekam Nikałsanam u hałoŭnaj roli atrymała piać «Oskaraŭ».

Sapraŭdnaje pryznańnie Duhłasu pryniesła pryhodnickaja kamiedyja «Raman z kamieniem» i jaje praciah «Žamčužyna Niła», a taksama film «Vajna muža i žonki Roŭz».

«Oskara» za najlepšuju rolu jon atrymaŭ za stužku Oliviera Stoŭna «Uoł-stryt» 1987 hoda. Ale, mabyć, najbolšuju viadomaść akcioru prynios «Asnoŭny instynkt» z Šeran Stoŭn.

Kamientary1

  • Dziakuj Čuvasam
    08.07.2025
    Za Daniłovičau, a Majkłu za jaho pracu! Mocnaha zdarou*ia i šmat hadou

Ciapier čytajuć

U Minsku i vakolicach hrad z paŭjajka i vialiki patop VIDEA1

U Minsku i vakolicach hrad z paŭjajka i vialiki patop VIDEA

Usie naviny →
Usie naviny

Bałansy na kartkach troch bankaŭ adnoŭlenyja

Wargaming prypyniŭ pracu ofisa ŭ Kijevie

Prajšoŭ čarhovy dedłajn, a bałansy kartak usio jašče nie vypravilisia9

Alaksandr Hleb paprasiŭ vyklučyć jaho z sankcyjnaha śpisu Polščy i atrymaŭ adkaz10

MZS Polščy prakamientavała prablemy z atrymańniem viz13

Niejrasietka Iłana Maska vyklikała skandał, uchvalna vykazvajučysia pra Hitlera

Polšča pryznała Alaksandra Mašenskaha niepažadanaj asobaj42

Historyk Aleh Łatyšonak pra emihrantaŭ novaj chvali: «Havorać pa-rasijsku ŭ situacyi, kali maskal topča Biełaruś! Prosta žach!»93

Byłaja palitźniavolenaja Natalla Dulina prosić dapamohi15

bolš čytanych navin
bolš łajkanych navin

U Minsku i vakolicach hrad z paŭjajka i vialiki patop VIDEA1

U Minsku i vakolicach hrad z paŭjajka i vialiki patop VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić