Aŭto88

Nie tolki «kitajcy». Jakija biudžetnyja novyja aŭto prapanuje biełaruski rynak

Pahladzieli, jakija mašyny ŭ biudžecie da 15-20 tysiač dalaraŭ aficyjna pradajuć u Biełarusi.

Ilustracyjny zdymak. Fota: «Naša Niva»

«Łada» pa za kankurencyjaj?

Samymi papularnymi novymi aŭtamabilami ŭ Biełarusi źjaŭlajucca kitajska-biełaruskija Geely/Belgee i rasijskaja Lada. Na ich dolu prychodzicca kala 2/3 prodažaŭ novych aŭto aficyjnymi dylerami. 

Samy dastupny ź ich — heta Lada Granta. Ceny na jaje pačynajucca z 33700 rubloŭ, što kala 11400 dalaraŭ pa ciapierašnim kursie. 

Skrynšot: stock.lada.by

Lada Niva kaštuje pryblizna stolki ž. Ceny na trochdźvierny usiedarožnik, jaki biez asablivych źmien vypuskajuć z 1977 hoda, startujuć z 33580 rubloŭ (kala $11350).

Skrynšot: minsk-lada.by

Nastupnaja pa canie znoŭ Lada. Siedan Vesta dasiažny pa canie ad 44 900 rubloŭ (kala $15200). Vesta ŭniviersał — ad 46 400 rubloŭ (kala $15700) za minułahodniaje aŭto i ad 47 900 rubloŭ (kala $16200) za aŭto hetaha hoda.

Skrynšot: stock.lada.by

Lada Largus pradajecca pa cenach ad 47 700 rubloŭ, što kala $16150. 

Nastupny aŭtamabil z ruchavikom unutranaha zharańnia, jaki aficyjna pradajecca ŭ Biełarusi, — kitajski Chery Arizzo 6 pa cenach ad 52 900 rubloŭ, što kala 18 tysiač dalaraŭ. Heta 1,5-litrovyja aŭtamabili z aŭtamatyčnaj karobkaj pieradač.

Skrynšot: chery-atlantm.by

Jašče adzin biudžetnik z tradycyjnym ruchavikom canoj da 20 tysiač dalaraŭ — kitajski BAIC U5 Plus z 1,5-litrovym ruchavikom i MKPP. Kaštuje ad 57 000 rubloŭ (kala $19300).

Skrynšot: av.by

Ajčynny siedan Belgee s50, jaki raniej nazyvaŭsia Geely Emgrand, pradajecca pa canie ad 57 600 rubloŭ (kala $19550). 

Skrynšot: atlantm.by

Na hetym śpis novych mašyn (z ruchavikami na tradycyjnym palivie) koštam da 20 tysiač dalaraŭ zakančvajecca. Kali paraŭnoŭvać situacyju z davajennym pieryjadam, to vybirać amal niama z čaho. Z takim biudžetam dasiažnyja tolki rasijskija, kitajskija i biełaruska-kitajskija brendy. 

Dla paraŭnańnia, da vajny biełarusam byli dastupnyja jašče i VW Polo, adrazu niekalki madelaŭ Renault, Kia i Hyundai rasijskaj zborki.

A što pa elektramabilach?

U biudžetnym siehmiencie pradajecca šerah elektrakaraŭ kitajskich brendaŭ. 

Samy dastupny ź ich — chetčbek Dongfeng BOX. Mahutnaść elektraruchavika 95 k.s. Ceny na viersiju z zajaŭlenym zapasam chodu 430 kiłamietraŭ pačynajucca z 45 250 rubloŭ (kala $15 350).

Krychu daražej kaštuje kampaktny elektrakar BYD Seagull — ad 48 900 rubloŭ, ci kala $16 500.

Skrynšot: gsmotors.by

Siarod bolš habarytnych aŭto — siedan Hongqi E-QM5. Praŭda, heta aŭtamabil, jaki pastaŭlajuć nieaficyjały.

Cana na jaho pačynajecca ad 15500 dalaraŭ za aŭto minułaha hoda vypusku.

Kamientary8

  • Vsio dla odnoj sieḿji
    10.07.2025
    Nabludajem kitajskij razvorot v storonu Kitaja, nachodiaś, hieohrafičieski, v cientrie Jevropy.
    Kasajetsia nie tolko avto, a vsieho širpotrieba, santiechniki, strojmatieriałov, odieždy i obuvi.
    Vsio radi ondnoho siemiejstva v Biełarusi, radi jejo ličnych intieriesov i niezakonnoho udieržanija vłasti etim siemiejstvom.
  • Mch
    10.07.2025
    Nu, narmalna. "Nie tolki kitajcy". Jašče cełaja Łada z dochłymi ruchavikami... i ... i ŭsio. VW i inšyja prosta stali historyjaj ŭ biudžetnym siehmiencie. (Bo ŭ Rasiei ich ŭžo nie vyrablajuć).
  • Małady korč
    10.07.2025
    Vsio dla odnoj sieḿji, paŭsiul tak. U zachodniaj jeŭropie toje samaje, chiba što aŭto kitajskija jašče nie pieravažajuć, dyk heta štučna, praz admysłovyja zachady ŭradaŭ. I, zaŭvažcie, "razvarot" toj adbyŭsia tam daŭno, hadoŭ 25 tamu.

Ciapier čytajuć

Cichanoŭski raskazaŭ, što treba było rabić u žniŭni 2020-ha62

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy3

Papularnaja minskaja šaŭrmiennaja trapiła ŭ skandał. Što zdaryłasia2

U Mahilovie padčas niepahadzi žančynu zabiła drevam, jašče čatyry čałavieki paciarpieli

Biełaruska paśla płatnaj miedycyny pajšła ŭ dziaržaŭnuju i raskazała svaje ŭražańni7

U Abu-Dabi pačalisia pieramovy Pašyniana i Alijeva3

Čarha na polskaj miažy kančatkova rassmaktałasia2

Kiełah: Ukrainie patrebny novy «Płan Maršała»4

Nie tolki «kitajcy». Jakija biudžetnyja novyja aŭto prapanuje biełaruski rynak8

Kijeŭ zaznaŭ masiravanuju ataku dronami i balistykaj

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha62

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić