Natchnialnaja navina: «Naša Niva» čempijon pa adličeńniach ad padachodnaha padatku
Stali viadomyja źviestki pra toje, kolki padachodnaha padatku pieraličyli žychary Litvy hramadskim arhanizacyjam, ŚMI i palityčnym strukturam. Anałahičnyja źviestki z Polščy źjaviacca paźniej. Jość nad čym zadumacca, kali hladziš hety śpis.
Tak vyjšła — nie taho my chacieli, ale tak užo vyjšła — što biełarusy na siońnia stali «sietkavaj nacyjaj»: raściarušanaj u śviecie, jakaja svaju biełaruskaść i tradycyju zachoŭvaje pieravažna anłajn, bo ŭnutry krainy «zabaroniena ŭsio». I tak budzie, pakul u Minsku nie adbudziecca palityčnych pieramien.
Dziakuj vam! Dla nas honar, najvyšejšaja acenka našaj pracy, što «Našaj Nivie» biełarusy Litvy pieraličyli najbolš z usich biełaruskich struktur — 15 280 jeŭra. Pa kapieječcy, pa cenciku…
Ale vyniki zboru pakazvajuć taksama, jak šmat hrošaj u biełarusaŭ «valajecca pad nahami». Heta pytańnie pary klikaŭ padčas padačy padatkovych dekłaracyj u Polščy i Litvie: paru klikaŭ, i ty pieraličyŭ pracent ad padachodnaha tamu, čyja praca tabie važnaja.
Hetyja hrošy mohuć pajści na biełaruskuju spravu, a inakš vykarystajuć litoŭskaja, polskaja dziaržava na svaje patreby. Nie zabudźcie zrabić hetyja kliki i ŭ nastupnym hodzie.
Pieraličycie 1,5% padachodnaha na biełaruskuju spravu. Inakš dziaržava skarystaje tyja hrošy sama. I paprasicie vašych supracoŭnikaŭ zrabić toje samaje
Biełarusam u krainach Volnaha śvietu nielha zastavacca ŭ zdranćvieńni «tolki ž nie varušysia, tolki ž nie vytyrkajsia, tolki ž nie źviartaj na siabie ŭvahi», jakoje jość naturalnym sposabam samazachavańnia pry žyćci pad dyktaturaj.
Kab zastacca mocnaj supolnaściu navat u pieryjad vymušanaj sietkavaści, kab zachavać ŚMI, navuku, cerkvy, škołki, letniki, fiestyvali, palityčnaje pradstaŭnictva, musim vykarystoŭvać kožny dastupny instrumient — u tym liku i hety pracent ad padatkovaha. Heta para siekundaŭ dla kožnaha — a supolnaść atrymlivaje salidnyja hrošy.
Ahułam to pa Litvie samaja papularnaja inicyjatyva — fond dapamohi Ukrainie «Mėlyna ir geltona» («Žoŭta-błakitny»), na jaho ludzi zadanacili najbolš — i biełarusy, upeŭnieny, taksama.
Nu i jak tut nie nahadać zaŭsiodnaje: kali vam važna toje, što robić «Naša Niva», padtrymajcie nas i praz Patreon, praz Pejpoł, abo pieradaŭšy Redakcyi ich lubym inšym zručnym dla vas sposabam, praz tych redaktaraŭ i žurnalistaŭ «Našaj Nivy», jakich vy viedajecie asabista.
A jašče — padkazvajcie nam, na što źviarnuć uvahu, i pieradavajcie infarmacyju znutry Biełarusi praz sakretny čat u telehramie @nn_editor abo na mejł [email protected]. Abo ŭ Sihnał ci inšym sposabam tym z redaktaraŭ i žurnalistaŭ «NN», jakich viedajecie asabista.
«Naša Niva» — bastyjon biełaruščyny
PADTRYMAĆCiapier čytajuć
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hady26
Kamientary
Rabicie formu na sajcie. Kaliści takaja była