Mahutny ŭrahan paškodziŭ šeść linij Mahiloŭskaj CEC. Pra heta žurnalistam raspavioŭ hienieralny dyrektar RUP «Mahiloŭenierha» Kanstancin Puciła, piša BiełTA.
«Urahan začapiŭ Mahiloŭskuju CEC-2: 6 adychodziačych linij 110 kVt, i ŭsie jak adna paškodžanyja. Kožnaja linija maje paškodžanyja apory. Usiaho paškodžana 18 apor, ź ich 14 žalezabietonnych, 4 apory mietaličnyja», — raspavioŭ jon.
Usio nieabchodnaje dla praviadzieńnia adnaŭlenčych rabot jość, adznačyŭ Kanstancin Puciła.
«My zadziejničali 12 bryhad, ź ich 4 bryhady z «Mahiloŭenierha» — heta słužba linij elektrapieradačy i bryhady inšych enierhasistem», — adznačyŭ jon.
Što tyčycca raźmierkavalnaj sietki, paškodžańniaŭ taksama niamała: 24 linii mahutnaściu 10 kVt.
«Vielmi šmat zajavak pa 0,4 kVt. Heta ŭ pieršuju čarhu Mahiloŭ, začapiła Bychaŭski, Škłoŭski i Mahiloŭski rajony. Sabrana nami 45 bryhad, plus jašče 45 bryhad ź inšych enierhasistem padklučajucca na dapamohu», — adznačyŭ jon.
U pryvatnaści, jak paviedamili ŭ RUP «Minskenierha», u dapamohu mahiloŭskim kaleham było nakiravana 13 avaryjna-adnaŭlenčych bryhad, abstalavanych bolš jak 10 adzinkami śpiecyjalnaj techniki.
Kamientary