U Biełarusi z aŭkcyjonu pradajuć učastak čyhunki. Kolki kaštuje dziciačaja mara?
Na sajcie Minskaha abłasnoha centra inviestycyj i pryvatyzacyi źjaviłasia niezvyčajnaja abjava: na aŭkcyjon vystaŭleny kavałak čyhunki. Havorka idzie pra padjazny šlach da pradpryjemstva — jaho pradaje AAT «Słucki ahraservis».
Na prodaž prapanujuć 627 mietraŭ čyhunki (uklučna z ułasnym strełkavym adhalinavańniem), ź jakich 500 mietraŭ adychodziać ad pasažyrskaj linii Słuck — Asipovičy pamiž prypynkami Navadvorcy i Kazłovičy.
Pačatkovy košt łota — 58 882 rubli. Pieršy krok tarhoŭ — 5%. Akramia taho, pieramožca pavinien budzie apłacić 5% ad kančatkovaj sumy za arhanizacyju tarhoŭ.
Minimalna mahčymaja cana łota składzie 64 917 rubloŭ (kala 20 tysiač dalaraŭ).
Aŭkcyjon adbudziecca 24 lipienia a 12:00.
Kamientary