Krainy ES pahadzilisia źnizić cenavaje abmiežavańnie na rasijskuju naftu na 15 %
Pradstaŭniki krain Jeŭrapiejskaha Sajuza nablizilisia da finalnaha ŭzhadnieńnia 18-ha pakieta sankcyj suprać Rasii, u tym liku miery pa źnižeńni cenavaha abmiežavańnia na rasijskuju naftu. Novy paroh składzie kala $47 za barel, što na 15 % nižej siaredniaj rynkavaj cany. Pra heta Reuters paviedamili pośle čaćviora jeŭradypłamataŭ, jakija ŭdzielničali ŭ pieramovach 13 lipienia.
Usie składniki novaha pakieta sankcyj užo ŭzhodnieny, choć adna z krain-členaŭ ES usio jašče maje techničnuju zaŭvahu adnosna novaha abmiežavańnia. Krynicy miarkujuć, što poŭnaje pahadnieńnie budzie dasiahnuta 14 lipienia pierad sustrečaj ministraŭ zamiežnych spraŭ u Brusieli, na jakoj miery mohuć być aficyjna zaćvierdžanyja.
U miežach novaha miechanizmu ES pahadniŭsia na «dynamičnaje cenaŭtvareńnie»: cenavy paroh budzie vyznačacca jak 15 % nižej za siaredniuju suśvietnuju canu na syruju naftu za try papiarednija miesiacy.
Pavodle adnaho z dypłamataŭ, pačatkovy paroh ustanaŭlivajecca na ŭzroŭni $47 za barel.
Cenavaje abmiežavańnie budzie pierahladacca raz na paŭhoda, a nie kožnyja try miesiacy, jak prapanoŭvałasia raniej.
Słavakija, jakaja zatrymlivała pryniaćcie papiaredniaha varyjanta sankcyj, čakaje dadatkovych zapeŭnieńniaŭ z boku Jeŭrakamisii nakont svaich kłopataŭ, źviazanych z pastupovym spynieńniem pastavak rasijskaha hazu. Adnak jana pahadziłasia na novyja miery.
U pakiecie taksama praduhledžvajucca:
-
zabarona na ździełki z hazapravodami Nord Stream;
-
abmiežavańni dla finansavych struktur, što dapamahajuć abychodzić sankcyi;
-
uklučeńnie ŭ sankcyjny śpis adnaho rasijskaha naftapierapracoŭčaha zavoda ŭ Indyi, dvuch bankaŭ z Kitaja i inš.
Ciapier čytajuć
Jak žyvie prosty minski zvarščyk, jaki vyjhraŭ try miljony rubloŭ1
Kamientary