Cichanoŭski: U kultury asablivy ŭkład pryŭnieści nie mahu, krychu nie maja tema
U apošni dzień festu Tutaka, jaki prachodzić na Biełastoččynie, prajšła sustreča z vyzvalenym palitviaźniem Siarhiejem Cichanoŭskim. Samyja vostryja pytańni tyčylisia movy, piša Reform.news.
Ukrainskaja hladačka spytałasia pra rolu biełaruskaj kultury ŭ raźvićci biełaruskaj identyčnaści.
«Hetak jak i mova, kultura — častka nacyi, — skazaŭ spadar Siarhiej. — Biez kultury nie budzie i biełarusaŭ. Biezumoŭna, heta važniejšy momant. Ja asablivy ŭkład pryŭnieści nie mahu, krychu nie maja tema. Tak, ja zapisvaju pieśni i klipy zdymaju, i ŭ płanach heta jość».
U toj ža čas Cichanoŭski zhadaŭ, što ŭ jakaści art-dyrektara ładziŭ u Biełarusi kancerty Lavona Volskaha, pra što nahadaŭ i samomu muzyku, jaki padčas festu padyšoŭ da jaho znajomicca.
Zakranuŭ Siarhiej Cichanoŭski i pytańnie reabilitacyi palitviaźniaŭ paśla vychadu ich na volu. Jon miarkuje, što hetym ludziam nie chapaje ŭvahi i padtrymki. Pavodle jaho, było b dobra, kab pobač z takimi ludźmi zaŭsiody byli vałanciory, bo časta byvaje, što ŭ pieršyja miesiacy im dapamahajuć, a potym jany zastajucca sam-nasam sa svaimi prablemami.
Sam Cichanoŭski pryznaŭsia, što navat jon adčuvaje niedachop uvahi, a niekatoryja z tych, chto vyzvaliŭsia razam ź im, kažuć, što adčuvajuć siabie niepatrebnymi. I navat kali im apłačvajuć miedycynu, hetaha niedastatkova — važniej za ŭsio čałaviečaja ciepłynia i padtrymka.
Kali jany vychodzili na volu, spadziavalisia na niejkija źmieny, i navat kali ničoha nie adbyłosia, vielmi važna adčuvać, što pobač jość ludzi, jakija razumiejuć i padtrymlivajuć.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami84
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1111
Kamientary