Šukajuć dvuch mužčyn, jakija zabłukali ŭ lesie ŭ roznych kancach Biełarusi
U subotu ŭ lasach Biełarusi zhubilisia dvoje mužčyn — adnaho šukajuć u Homielskim rajonie, druhoha — ŭ Biešankovickim. Da nadychodu ciemry znajści ich nie atrymałasia, pošuki praciahvajucca ŭ niadzielu.
Fota ilustracyjnaje
Pieršy vypadak adbyŭsia kala pasiołka Chałmy pad Homielem. U 17:50 u MNS pastupiła paviedamleńnie, što 73-hadovy mužčyna źnik u lesie. Da jahonych pošukaŭ pryciahnuli 30 čałaviek i 9 adzinak techniki, u tym liku supracoŭnikaŭ MNS. Na toj momant znajści jaho nie ŭdałosia, pošuki praciahnuli ŭ niadzielu.
Druhi mužčyna zhubiŭsia kala vioski Karabova Biešankovickaha rajona. Jaho šukajuć 17 čałaviek i 6 adzinak techniki, siarod jakich — 8 ratavalnikaŭ z MNS. Ale i jaho pakul što nie znajšli.
MNS čarhovy raz nahadvaje: kali idziacie ŭ les, treba apranacca ŭ jarkaje adzieńnie, brać z saboj vadu, ježu, aptečku i zaradžany telefon. Abaviazkova paviedamlajcie svajakam, kudy idziacie i kali płanujecie viarnucca. Kali ž zhubilisia — nie panikujcie, zastavajciesia na miescy i telefanujcie na numar 101.
Kamientary