U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia
Mužčyna prosta vynies źniavolenaha z turmy — i nichto ničoha nie zaŭvažyŭ.
U francuzskim Lijonie rasśledujuć ucioki z turmy: adzin sa źniavolenych schavaŭsia ŭ darožnaj sumcy svajho sukamiernika, jaki ŭ toj dzień vychodziŭ na volu. 11 lipienia mužčyna prosta vynies źniavolenaha z turmy — i nichto ničoha nie zaŭvažyŭ. Adsutnaść uciekača vyjavili tolki praz sutki, piša Bild.
Źbiehłamu kala 20 hadoŭ — i jon užo adbyvaŭ niekalki terminaŭ. Bolš za toje, jaho padazrajuć va ŭdziele ŭ padvojnym zabojstvie i suviaziach z arhanizavanaj złačynnaściu. U turmie pačali ŭnutranaje rasśledavańnie, a sukamiernik, jaki vynies sumku, ciapier sam moža znoŭ apynucca za kratami — užo za dapamohu va ŭciokach.
Turma Lijon-Karbas, adkul adbylisia ŭcioki, daŭno ličycca prablemnaj. Jana raźličana na 678 čałaviek, ale na 1 maja tam znachodzilisia 1218 źniavolenych, heta značyć amal u dva razy bolš za normu.
Heta nie pieršy tryvožny incydent va ŭstanovie: na nastupny dzień paśla ŭciokaŭ nieviadomy abliŭ bramu bienzinam i kinuŭ u ich «kaktejl Mołatava», a taksama pakinuŭ płakat z pahrozami ŭ adras supracoŭnika turmy.
Kamientary