U sacsietkach zavirusiŭsia rolik z kaniom, jaki čakaje aŭtobusa na Mahiloŭ VIDEA
U internecie raźlaciełasia videa z Mahiloŭščyny, na jakim koń spakojna staić na aŭtobusnym prypynku, byccam čakaje maršrutku ci aŭtobus. Rolik źjaviŭsia ŭ tyktoku i mienš čym za tydzień nabraŭ bolš za 850 tysiač prahladaŭ, zaŭvažyŭ Mogilev.online.
Na videa bačna, jak koń, vierahodna, źbiehšy ad haspadara i šukajučy prytułku ad śpiakoty, schavaŭsia pad naviesam prypynku ŭ Drybinskim rajonie. Jahony spakojny vyhlad vyklikaŭ uśmieški — zdavałasia, što žyviolina sapraŭdy čakaje aŭtobus na Mahiloŭ.
Karystalniki sacsietak padchapili žarty: kazali, što koń «jedzie na piedykiur», «pa novyja padkovy» abo «na dyskateku ŭ susiedniuju viosku».
Miascovyja žychary paćviardžajuć, što žyvioły časta chavajucca ad sonca ŭ takich miescach. Zastajecca spadziavacca, što haspadar znajšoŭ svajho «vandroŭnika» i viarnuŭ jaho dadomu.
Kamientary