Jak žyvie prosty minski zvarščyk, jaki vyjhraŭ try miljony rubloŭ
U pačatku lutaha Uładzimir staŭ uładalnikam najbujniejšaha vyjhryšu za apošnija niekalki hadoŭ — troch miljonaŭ rubloŭ. Na hetyja hrošy razam ź im pretendavali bolš za 376 tysiač čałaviek. Jak jon žyvie ciapier, raskazvaje Onliner.
Pra prostaha zvarščyka ź Minska Uładzimira tysiačy ludziej daviedalisia ŭ lutym hetaha hoda. Dla hetaha ŭsiaho tolki spatrebiłasia stać uładalnikam najbujniejšaha za apošnija niekalki hadoŭ vyjhryšu.
Šmat kamu było cikava, jak Uładzimir rasparadzicca takimi hrašyma. Voś jak jon adkazaŭ na hetaje pytańnie ŭ pieršym intervju: «Vyjhranymi hrašyma ja padzialusia ŭ pieršuju čarhu ź siamjoj: mamaj, dačkoj, dźviuma siostrami, stryječnymi. Jašče ŭ mianie jość unuk, jamu 3 hady, — płanavaŭ i biez vyjhryšu padaryć jamu elektryčnuju mašynku. Mahčyma, adkryju jamu rachunak da paŭnalećcia, naprykład, kab byli hrošy na vučobu».
Jakich-niebudź asablivych asabistych «žadańniaŭ» va Uładzimira nie było, chiba što pajechać letam u adpačynak na Bajkał. Darečy, niahledziačy na zdabyty status miljaniera, mužčyna nie płanavaŭ kidać pracu na budoŭli. Z uśmieškaj kazaŭ, što adnamu siadzieć doma nie varyjant, tak možna zvarjacieć. Źmianiłasia niešta za paŭhoda?
— Z pracy ja nie syšoŭ, pracuju. Z vyjhranych hrošaj užo vydatkavaŭ kala pałovy. Kupiŭ dom dačce, jak i abiacaŭ, padaryŭ kvateru siastry. Kali ščyra, to sabie kupiŭ novyja džynsy i kašulu. I ŭsio! — śmiajecca miljanier.
Pavodle słoŭ mužčyny, z prośbami dać u doŭh da jaho amal nie źviartajucca. Chiba što pa-susiedsku niadaŭna paprasili na zuby, ale pastupova sumu viartajuć.
Jašče ŭ pieršym intervju žurnalisty cikavilisia: ci nie baicca biełarus praźmiernaj uvahi ad nieznajomcaŭ? Tady Uładzimir byŭ upeŭnieny, što našy ludzi nadta intelihientnyja, kab padychodzić na vulicy. Tak i vyjšła: ni razu nichto znajomicca nie padychodziŭ.
— Navat kryŭdna! — uśmichajecca mužčyna. — Byvaje, što na pracy, kali z abjekta na abjekt pierajazdžajem, mohuć padkałvać, maŭlaŭ, «miljanier na budoŭli». Sam ža ja jak žyŭ u cieščanaj kvatery, tak i žyvu, žadańnia pierajechać nie ŭźnikła. Pakul zajmajusia rekanstrukcyjaj baćkoŭskaha doma, tam mora pracy. Adpačynak u žniŭni, napeŭna, tam i praviadu.
Ciapier čytajuć
Jak žyvie prosty minski zvarščyk, jaki vyjhraŭ try miljony rubloŭ1
Kamientary
Brosaj,bratan, etich bab i jezžaj na Bajkał,poka vsie nie otobrali.