Nasielnictva Jeŭrasajuza pierasiahnuła 450 miljonaŭ čałaviek. Ale rost nie paŭsiul
Pa stanie na pačatak studzienia 2025 hoda nasielnictva Jeŭrapiejskaha Sajuza składała 450,4 miljona žycharoŭ, što na 1 070 702 čałavieki bolš, čym hodam raniej. Rost praciahvajecca ŭžo čaćviorty hod zapar paśla spadu ŭ 2021-m, vyklikanaha nastupstvami pandemii COVID-19. Adpaviednyja danyja apublikavaŭ Jeŭrastat.
«Kali razhladać bolš šyrokija časavyja ramki, to nasielnictva ES vyrasła z 354,5 miljona ŭ 1960 hodzie da 450,4 miljona na 1 studzienia 2025 hoda, što na 95,9 miljona čałaviek bolš», — adznačajuć u Jeŭrastacie.
U cełym u apošnija dziesiacihodździ rost nasielnictva pastupova zapavoliŭsia: na praciahu 2005-2024 hadoŭ jon pavialičvaŭsia ŭ siarednim prykładna na 0,9 miljona čałaviek u hod. Dla paraŭnańnia, u 1960-ch hadach hety pakazčyk dasiahaŭ kala 3 miljonaŭ štohod.
Pa stanie na pačatak biahučaha hoda samymi hustanasielenymi krainami ES źjaŭlajucca Hiermanija (19% nasielnictva ES), Francyja (15%) i Italija (13%), na jakich prypadała amal pałova (47%) usiaho nasielnictva Jeŭrasajuza.
Siarod 19 krain ES, jakija zarehistravali samyja vysokija tempy pryrostu nasielnictva-Malta (+19,0 na 1 000 čałaviek), Irłandyja (+16,3) i Luksiemburh (+14,7).
U vaśmi jeŭrapiejskich krainach ciaham hoda zafiksavali skaračeńnie nasielnictva. Bolš za ŭsio — u Łatvii (ahulny pakazčyk źmieny nasielnictva -9,9 na 1 000 čałaviek), Vienhryi (-4,7), Polščy i Estonii (-3,4).
Kamientary
Kolkaść NIKUDY NIE SIAHAJE!
pierasiahnuć == prievzojti; prieodoleť; pieriejti; pieriešahnuť