Biespracoŭnych užo vyklikajuć u milicyju pozvami — čamu heta niezakonna
Milicyja ŭ Biełarusi, praciahvajučy «adpracoŭvać» hramadzian, što trapili ŭ śpisy «nie zaniatych u ekanomicy», pierajšła na novy ŭzrovień. Na tak zvanyja «hrupavyja prafiłaktyčnyja mierapryjemstvy» ŭ RAUS, dzie biespracoŭnych prymušajuć uładkoŭvacca na pracu aficyjna, pačali vyklikać nie paviedamleńniami pra jaŭku, jak raniej, a kankretna pozvami, piša «Fłahštok».
Prynamsi, tak robiać u AUS administracyi Centralnaha rajona Homiela, raskazaŭ «Fłahštoku» žychar abłasnoha centra i pakazaŭ fota pozvy. U joj paznačana, što hramadzianinu nieabchodna źjavicca ŭ RAUS u kankretnyja datu i čas u jakaści «prafiłaktyrujemaha».
Nižej ukazany nastupstvy niajaŭki. Śćviardžajecca, što ŭ vypadku niajaŭki moža nastupić administracyjnaja adkaznaść pavodle art. 24.3 KaAP — niepadparadkavańnie zakonnamu rasparadžeńniu abo patrabavańniu słužbovaj asoby pry vykanańni joju słužbovych paŭnamoctvaŭ. Padkreślivajecca, što heta «ciahnie nakładańnie štrafu ŭ pamiery ad dźviuch da sta bazavych vieličyń, abo hramadskija raboty, abo administracyjny aryšt».
Vierahodna, formu pozvy dla vykliku «darmajedaŭ» na «hrupavyja prafiłaktyčnyja mierapryjemstvy» milicyja pačała vykarystoŭvać dla zapałochvańnia, pahražajučy administracyjnaj adkaznaściu.
Ale ŭ artykule KaAP havorka idzie pra niepadparadkavańnie zakonnamu rasparadžeńniu abo patrabavańniu, a dadzienaje patrabavańnie milicyi niezakonnaje. Siłaviki nie majuć prava vyklikać hramadzianina pozvaj tolki na padstavie taho, što jon źjaŭlajecca aficyjna biespracoŭnym.
Raniej «Homielskaja viasna» pryvodziła kamientar jurystki, jakaja padkreślivała, što ni kryminalny, ni administracyjny kodeksy nie praduhledžvajuć adkaznaści za biespracoŭje:
«Kanstytucyja harantuje svabodu pracy. Vyklikać čałavieka ŭ RAUS tolki tamu, što jon nie pracuje, niezakonna. Heta pieravyšeńnie słužbovych paŭnamoctvaŭ».
Jurystka patłumačyła, što sam fakt biespracoŭja nie źjaŭlajecca pravaparušeńniem, što milicyja moža vyklikać hramadzianina tolki ŭ miežach administracyjnaha abo kryminalnaha pracesu i tolki praz aficyjnuju pozvu, a ludzi, što zarehistravalisia jak biespracoŭnyja, pavinny vykonvać patrabavańni centra zaniataści — ale nie RAUS.
Masavaja «adpracoŭka» milicyjaj tych hramadzian, što trapili ŭ bazu «nie zaniatych u ekanomicy», pravodzicca z 1 krasavika 2025 hoda MUS sumiesna z Kamitetam pa pracy, zaniataści i sacyjalnaj abaronie. Heta adbyvajecca ŭ ramkach «Kompleksu dadatkovych mier pa akazańni prafiłaktyčnaha ŭździejańnia na pracazdolnych hramadzian, nie zaniatych u ekanomicy».
Ciapier čytajuć
Vyjšaŭ na svabodu były top-žurnalist ANT Dźmitryj Siemčanka8
Kamientary
Kstati, niedavnieje žiestokoje ubijstvo ko Dniu niezavisimosti v Ŝučinie proizošło vo vriemia proviedienija vriod ministra vnutrieńnich dieł Nazarienko sovieŝanija po profiłaktikie riecidivnoj priestupnosti i licam, niezaniatym v ekonomikie. I poka hienierały i połkovniki MVD tam sovieŝaliś, ranieje sudimyje lica 19 i 20 let žiestoko ubivali v cientrie horoda sobstviennoho diadiu odnoho iz nich...