Zatrymali 19-hadovaha kurjera machlaroŭ, jakomu pieradavali hrošy praz rabotnikaŭ słužbaŭ dastaŭki i taksi
U milicyju pastupiła infarmacyja pra toje, što staličnaja piensijanierka pavieryła ŭ toje, što jaje svajaki stali vinavatymi DTZ, i pieradała za ich vyratavańnie bolš 55 tys. rubloŭ.
Supracoŭniki kryminalnaha vyšuku Maskoŭskaha RUUS złapali złačyncu z dokazami — 19-hadovaha rabočaha staličnaha zavoda, jaki pavinien byŭ pieravieści hrošy piensijanierki na rachunak machlaroŭ, ale nie paśpieŭ. Najaŭnyja hrošy byli kanfiskavanyja i buduć viernutyja ŭładalnicy.
Pa słovach zatrymanaha, u miesiendžary, dzie jon šukaŭ padpracoŭku, jamu prapanavali stać pasiarednikam nibyta pry pieravodzie najaŭnych hrošaj u kryptavalutu. Pa zadańni kuratara małady čałaviek zabiraŭ hrošy, jakija jamu kurjery praz rabotnikaŭ słužbaŭ dastaŭki i taks. U prybiralniach staličnych ustanoŭ jon pieraličvaŭ najaŭnyja i adpraŭlaŭ spravazdaču, paśla čaho pieravodziŭ ich na rachunki.
Viadoma, što da zatrymańnia jon paśpieŭ pieravieści machlaram hrošy čaćviarych paciarpiełych na ahulnuju sumu Br140 tys.
Kamientary