Ministr abarony Hiermanii vyklučyŭ pastaŭki Ukrainie kryłatych rakiet Taurus
Hiermanija nie budzie pastaŭlać Ukrainie niamiecka-šviedskija kryłatyja rakiety Taurus, niahledziačy na ŭzmocnienyja pavietranyja ataki RF i paŭtorny zapyt z Kijeva. Pra heta zajaviŭ ministr abarony FRH Barys Pistoryus, paviedamlaje Deutsche Welle.
Raniej kancler FRH Frydrych Mierc nie raz davaŭ zrazumieć, što jon adkryty da idei pastaŭki kryłatych rakiet Taurus Kijevu. Sa svajho boku Maskva nieadnarazova papiaredžvała, što budzie razhladać taki krok jak ustup Hiermanii ŭ vajnu, śćviardžajučy, što tolki niamieckija vajskoŭcy zdolnyja kiravać hetaj sistemaj uzbrajeńniaŭ.
1 lipienia Mierc zajaviŭ, adnak, što ŭ vypadku pieradačy Ukrainie rakiet Taurus kiravać imi buduć nie niamieckija, a ŭkrainskija vajskoŭcy.
Čakajecca, što kiraŭnik Minabarony Hiermanii Barys Pistoryus 14 lipienia sustreniecca ŭ Vašynhtonie ź ministram abarony ZŠA Pitam Chiehsietam. Jak patłumačyŭ hiermanski palityk u intervju FT, padčas hetaj sustrečy jon maje namier abmierkavać «darožnuju kartu» dla amierykanskaj vajennaj padtrymki Jeŭropy.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB33
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary