U druhoj pałovie dnia 15 lipienia na staličny rehijon abrynułasia mocnaja navalnica z zalevami, jakija pryviali da zbojaŭ u ruchu haradskoha transpartu. Adnak byli nie tolki apadki: u rajonie ahraharadka Łuhavaja Słabada, što pad Minskam, śviedki zafiksavali źjavu, jakuju ŭ Biełarusi bačać niačasta — śmierč.
Videa ź miesca zdareńnia apublikavaŭ padpisčyk kanał «Minski rajon LIVE» z kamientaryjem: «Łuhavaja Słabada siońnia. Prykładna tak».
Kanał «Mietieovajb» patłumačyŭ, što na videa možna bačyć kandensacyjnuju varonku. Jana ŭźnikła pry amal poŭnaj adsutnaści zruchaŭ vietru ŭ siaredniaj trapaśfiery i adnosna ścipłych pakazčykach zruchu ŭ nižnim słoi atmaśfiery (0—1 km).
«Miarkujučy pa nizkaj bazie vobłaka, heta sapraŭdy moh być śmierč», — adznačyli admysłoŭcy.
Kamientary