Futbolny kłub «Łakamatyŭ» z Płoŭdziva zvolniŭ słavutaha ŭ minułym biełaruskaha futbalista Siarhieja Alejnikava z pasady spartyŭnaha dyrektara, piša «Trybuna».
Siarhiej Alejnikaŭ dałučyŭsia da «Łakamatyva» ŭ kancy minułaha hoda. Paviedamlałasia, što kantrakt ź im zaklučany na dva hady. Pra pryčyny skasavańnia supracoŭnictva ŭsiaho tolki trochi bolš čym praz paŭhoda aficyjna pakul nie paviedamlajecca.
Za hety samy «Łakamatyŭ» z Płoŭdziva, darečy, vystupaŭ biełaruski paŭabaronca Uładzimir Miadźviedź, pra pierachod jakoha ŭ safijskuju «Słaviju» stała viadoma ŭ toj ža samy dzień. Pakul ciažka skazać, ci heta prosta supadzieńnie.
63-hadovy Siarhiej Alejnikaŭ, badaj, najlepšy biełaruski futbalist XX stahodździa. Jon navat byŭ aficyjna pryznany takim u 2003 hodzie, kali adznačałasia 50-hodździe UEFA i kožnaja jeŭrapiejskaja kraina vyznačała svaich najlepšych futbalistaŭ za pieryjad z 1954 pa 2003 hady.
Alejnikaŭ hulaŭ u załatym składzie minskaha «Dynama», jakoje ŭ 1982 hodzie stała pieramožcam čempijanata SSSR, pravioŭ 73 hulni za zbornuju SSSR, razam ź joj u 1988 hodzie zavajavaŭšy srebranyja miedali čempijanata Jeŭropy. Akramia taho, jon zmoh na zaklučnym etapie karjery hulca krychu pahulać za znakamity italjanski «Juvientus».
Paśla zakančeńnia karjery Alejnikaŭ staŭ trenieram, ale tut u jaho ŭsio skłałasia horš, čym u hulca. U asnoŭnym jon treniravaŭ italjanskija kłuby, ale ź nižejšych dyvizijonaŭ, prytym asablivych pośpiechaŭ ź imi nie dabivaŭsia.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu4
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary