Adzin z najlepšych biełaruskich futbalistaŭ za ŭsiu historyju Siarhiej Alejnikaŭ staŭ spartyŭnym dyrektaram kłuba «Łakamatyŭ» z Płoŭdziva ŭ Bałharyi, paviedamlaje «Trybuna».
Kantrakt ź Siarhiejem Alejnikavym zaklučany na dva hady.
U hetym siezonie «Łakamatyŭ» paśla 19-ci turaŭ zajmaje 13-je z 16 miescaŭ ŭ turnirnaj tablicy.
Za hety kłub, darečy, vystupaje biełaruski paŭabaronca Uładzimir Miadźviedź.
63-hadovy Siarhiej Alejnikaŭ, badaj, najlepšy biełaruski futbalist XX stahodździa. Jon navat byŭ aficyjna pryznany takim u 2003 hodzie, kali adznačałasia 50-hodździe UEFA i kožnaja jeŭrapiejskaja kraina vyznačała svaich najlepšych futbalistaŭ za pieryjad z 1954 pa 2003 hady.
Alejnikaŭ hulaŭ u załatym składzie minskaha «Dynama», jakoje ŭ 1982 hodzie stała pieramožcam čempijanata SSSR, pravioŭ 73 hulni za zbornuju SSSR, razam ź joj u 1988 hodzie zavajavaŭšy srebranyja miedali čempijanata Jeŭropy. Akramia taho, jon zmoh na zaklučnym etapie karjery hulca krychu pahulać za znakamity italjanski «Juvientus».
Paśla zakančeńnia karjery Alejnikaŭ staŭ trenieram, ale tut u jaho ŭsio skłałasia horš, čym u hulca. U asnoŭnym jon treniravaŭ italjanskija kłuby, ale ź nižejšych dyvizijonaŭ, prytym asablivych pośpiechaŭ ź imi nie dabivaŭsia.
U 2020 hodzie Alejnikaŭ padtrymaŭ pratesty suprać falsifikacyi prezidenckich vybaraŭ u Biełarusi, jon tady zajaviŭ:
«Vidavočna, što ŭ Biełarusi da naroda staviacca pa-naplavalnicku. Ułady ni na što nie źviartajuć uvahi, robiać, što chočuć. Hruba kažučy, biełarusaŭ ni ŭ što nie staviać. I takaja kolkaść pracentaŭ za dziejnaha prezidenta nie ździviła, a, jak užo skazaŭ, vyklikała abureńnie i adno pytańnie: kolki naohuł heta moža praciahvacca?»
Futbolnaja zbornaja Biełarusi pajedzie hulać z tadžykami
Praŭnuk Musalini zabiŭ pieršy hoł na darosłym uzroŭni: zaŭziatary pačali zihavać i skandavać jaho proźvišča
Minskaje «Dynama» prajhrała piać z šaści matčaŭ Lihi kanfierencyj, razhromna sastupiŭšy ŭ apošnim ad hrekaŭ
Eks-hulca čempijanatu Biełarusi mohuć pradać u anhlijskuju premjer-lihu za 30 miljonaŭ jeŭra
Ciapier čytajuć
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki5
Kamientary