U ES i ZŠA paŭtara hoda na padrychtoŭku da vajny z Kitajem i Rasijaj — hałoŭnakamandujučy abjadnanymi siłami NATA ŭ Jeŭropie
Aleksus Hrynkievič dadaŭ, što z dapamohaj Ukrainie buduć dziejničać jak maha chutčej.
U ES i ZŠA ŭsiaho paŭtara hoda na padrychtoŭku da vajny z Kitajem i Rasijaj, ličyć hienierał vajenna-pavietranych sił ZŠA Aleksus Hrynkievič, viarchoŭny hałoŭnakamandujučy abjadnanymi siłami NATA ŭ Jeŭropie. Jon miarkuje, što Uładzimir Pucin i Si Czińpin naniasuć udary pa ES i Tajvaniu adnačasova. Pry hetym, kaža hienierał, heta moža adbycca ŭ 2027 hodzie, piša Bild.
Pra heta Hrynkievič zajaviŭ na sustrečy vajskoŭcaŭ i kiraŭnikoŭ abaronnaj pramysłovaści. Jon skazaŭ im, što času na padrychtoŭku mała i sajuźnikam spatrebicca ŭsio, što jość:
«Nam spatrebicca kožny asobny elemient abstalavańnia, uvieś ryštunak i ŭsie bojeprypasy, jakija my zmožam atrymać, kab być hatovymi».
Pavodle źviestak Bild, u niamieckim uradzie taksama aścierahajucca, što Rasija moža nieŭzabavie atakavać adnu z małych dziaržaŭ uschodniaha fłanhu NATA. Pakolki ES zajaŭlaje publična, što budzie pa-sapraŭdnamu hatovy da abarony tolki da 2029 hoda, pravakacyja z boku Pucina, jak ličycca, mahčymaja raniej, užo pačynajučy z 2027 hoda.
Hrynkievič taksama abviaściŭ, što ŭ bližejšyja dni sustreniecca z vajennymi kiraŭnikami NATA, kab abmierkavać dalejšuju padtrymku Ukrainy, asabliva ŭ śfiery SPA.
«My budziem dziejničać jak maha chutčej. […] Ja nie nazavu ni ruskim, ni kamu-niebudź jašče dakładnuju kolkaść uzbrajeńniaŭ, jakija my pierakidvajem, i kali heta adbudziecca, ale mahu skazać, što padrychtoŭka idzie»», — skazaŭ hienierał.
Kamientary