Hramadstva55

Ukrainski ŭchilist ad vojska raskazaŭ, jak ź im abychodzilisia homielskija pamiežniki

Čarhovy ŭkrainski ŭchilist ad vojska, jaki ŭciok u Jeŭrasajuz praź Biełaruś, raskazaŭ pra svoj dośvied. Videa jon raźmiaściŭ 21 lipienia na svaim kanale, a apisanyja padziei, vierahodna, adbylisia na minułym tydni, u siaredzinie lipienia, zaŭvažyŭ «Fłahštok».

Ilustracyjny zdymak. Fota: Homielskaja pahranhrupa

Jak viadoma, adzin z maršrutaŭ uchilistaŭ pralahaje praz Homielskuju vobłaść. Sa słoŭ mužčyny, jon zapłaciŭ ukrainskim pravadnikam, «tamu što treba było terminova».

Adnosna taho, ci zaminiravanaja terytoryja, uchilist skazaŭ, što «ŭ samym kancy darohi byŭ nievialiki ŭčastak, i jon aharodžany»:

«Tam byli supraćtankavyja miny. Dastatkova było abyści 200 mietraŭ. Supraćpiachotnych min nie było».

Sustreču z vajskoŭcami Homielskaj pahranhrupy ŭkrainiec apisaŭ tak:

«Niama takoha, što pierajšli miažu, i adrazu pamiežniki. My čakali dzieści try hadziny. Niekalki razoŭ nabirali, jany nie jechali. Ale potym sustreli, usio narmalna. Staŭleńnie było maksimalna niejtralnaje. Nakarmili, napaili, nie bolš za toje. Nichto ruki nie cisnuŭ, ale nichto i nie ździekavaŭsia».

Pavodle najaŭnaj praktyki, ukrainskich uchilistaŭ paśla pravierki i apłaty štrafu za niezakonnaje pierasiačeńnie miažy nie departujuć ź Biełarusi nazad, a akazvajuć pasłuhi pa transpartavańni da miažy z Polščaj.

Uchilistaŭ utrymlivajuć u Homielskim izalatary, čakajučy, pakul źbiarecca hrupa, kab zapoŭnić aŭtobus i dastavić da zachodniaj miažy. Za hetuju pasłuhu pahranviedamstva taksama biare hrošy, jak raskazvali raniej inšyja pierabiežčyki.

Ciapierašni nielehalny mihrant adznačyŭ, što jon pryjšoŭ u Biełaruś u čaćvier, a na miažu jaho razam ź inšymi ŭchilistami advieźli ŭ aŭtorak:

«Daviałosia siadzieć čatyry dni ŭ izalatary. Tam vielmi ch***. Jak turma strohaha režymu: maleńkaja kamiera 4 na 3 mietry ci jašče mienš».

Sa słoŭ mužčyny, usie hetyja čatyry dni jaho i inšych uchilistaŭ «katali pa roznych instancyjach»:

«Dopyty, adbitki palcaŭ, ale ničoha surjoznaha. Ź niepryjemnaha: zabirajuć telefony. Ich praviarajuć, ale ŭ nas byli pustyja telefony».

Ukraincu nie spadabałasia, jak hrupu z prykładna 20 čałaviek sustreli polskija pamiežniki:

«Zadavali kuču pytańniaŭ niepatrebnych, typu zdradniki, nie zdradniki. Mučyli nas hadzinu, nie chacieli prapuskać».

Pavodle źviestak uchilista, biełaruskija pamiežniki čakajuć, pakul palaki prapuściać hrupu, a kali nie, to viazuć da litoŭskaj miažy:

«Ale zvyčajna palaki choć i aburajucca, ale ŭ vyniku prapuskajuć».

Kamientary5

  • M
    23.07.2025
    Treba było jechać u Rasieju - jaho b adrazu na front pasłali
  • na pravach rekłamy
    23.07.2025
    Taksu zabylisia ŭkazać.
    Ci cana dahavarnaja?
  • Andruś
    23.07.2025
    Dyk moža jany i našych palitźniavolenych mohuć pierapravić tak?...

    Heta ž taksama dziejnaść u kantekście "nie-da-zakonaŭ"..

Ciapier čytajuć

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos12

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Usie naviny →
Usie naviny

«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie49

Rubia: Tramp «tracić ciarpieńnie» praz toje, što razmovy z Pucinym nie pryvodziać da zaviaršeńnia vajny16

Ceny na nieruchomaść rastuć šalonymi tempami10

Babrujski zavod pačaŭ pradavać traktarnyja detali praz Wildberries2

Navukoŭcy praanalizavali 100 tysiač ekzamienaŭ i vyznačyli najlepšy čas dla ich zdačy1

Try viersii «Bahini kachańnia Mildy» ekspanujucca adnačasova ŭ Minsku, Varšavie i Vilni1

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary3

U Drazdach hadami nie mohuć pradać damy, źviazanyja z nabližanymi da ŭładaŭ ludźmi9

Hiermanija pieradała Ukrainie try sistemy Patriot2

bolš čytanych navin
bolš łajkanych navin

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos12

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Hałoŭnaje
Usie naviny →

Zaŭvaha:

 

 

 

 

Zakryć Paviedamić