Były biełaruski vajar sutki katavaŭ svajho siabra, a paśla zabiŭ siabie
28-hadovy biełarus Jahor Iśpiańkoŭ skončyŭ žyćcio samahubstvam, kinuŭšysia pad ciahnik. Pra heta telekanału «Biełsat» paviedamili ŭ palicyi Hdańska. Infarmacyju paćvierdzili siabry i znajomyja zahinułaha.
Trahičnaja padzieja adbyłasia ŭ noč na piatnicu 25 lipienia. Jahor I. žyŭ apošni hod u Hdańsku, pracujučy ŭ dastaŭcy ježy.
Jak paviedamiŭ blizki siabra zahinułaha A. (imia nie nazyvajecca pa jahonaj prośbie), Jahor raniej słužyŭ u Pałku «Pahonia», mieŭ prablemy ź psichikaj, pieražyvaŭ depresiju i doŭhi čas prymaŭ vialikuju kolkaść lekaŭ, ale ŭ apošnija miesiacy admoviŭsia ad lačeńnia. Matyvavaŭ heta tym, što leki nie dapamahajuć. Surazmoŭca «Biełsata» mienavita z hetym źviazvaje dalejšyja trahičnyja padziei.
Samahubstvu papiaredničała trahičnaje spatkańnie siabroŭ 23 lipienia, raskazaŭ «Biełsatu» A.
Jahor pryjšoŭ da siabra damoŭ niby na razmovu, ale źviazaŭ jaho, damohsia, kab toj daŭ parol ad telefona, čytaŭ usłych pierapisku i kali jamu niešta nie padabałasia, to ci nanosiŭ achviary nažavyja ranieńni, ci padpalvaŭ jaho ahniom z hazavaj harełki, ci biŭ (uvieś nieabchodny invientar u jaho byŭ z saboj). Sa słoŭ A., Jahora cikaviła, što i kamu były siabra raskazvaŭ pra jaho inšym ludziam.
Padziei, jakija surazmoŭca nazyvaje katavańniem, doŭžylisia amal sutki. Paśla hetaha Jahor dazvoliŭ achviary patelefanavać na 112, zabraŭ telefony jaho i svoj i syšoŭ. Na raźvitańnie jon skazaŭ, što nie choča za heta ŭsio, što jon zrabiŭ, sadzicca ŭ turmu, tamu źbirajecca skončyć žyćcio samahubstvam.
«Jon sam byŭ u šoku ad taho, što jon zrabiŭ sa mnoj…skazaŭ, što ci saskočyć z «vysotki», ci kiniecca pad ciahnik», — uzhadvaje A.
A. trapiŭ u špital sa šmatlikimi parezami i apiokami, jamu akazali nieabchodnuju dapamohu.
Paźniej A. vyklikali ŭ palicyju, dzie paviedamili, što Jahor vykanaŭ svaju pahrozu i skončyŭ žyćcio samahubstvam, kinuŭšysia pad ciahnik u Hdańsku. Vyhladaje na toje, što jon ździejśniŭ heta adrazu, kali pakinuŭ kvateru A. Taksama A. u kamisaryjacie paviedamili, što sprava pa fakcie ŭtrymańnia jaho suprać jaho voli, pryniasieńnie škody zdaroŭju i kradziež telefona prypynienaja pa pryčynie śmierci abvinavačvajemaha.
«Biełsat» taksama źviarnuŭsia za kamientarom da vajaroŭ «Pahoni». Tam paćvierdzili, što Jahor sapraŭdy vajavaŭ u składzie pałka «Pahonia» va Ukrainie ŭ 2022 hodzie. Pa słovach surazmoŭcy «Biełsatu», znajomaha z chłopcam u toj pieryjad, jon byŭ «absalutna narmalny».
«Jon zajmaŭsia ź psichołaham. Byŭ cichi, krychu paźbiahaŭ ludziej. Ale ŭ toj ža čas byŭ intelihientny, staranny, dyscyplinavany, niekanfliktny, dobrazyčlivy, nijakich prablem ź im u kalektyvie nie było ŭvohule. Nivodnaha kiepskaha słova pra jaho skazać nie mahu. Dla mianie vielmi dziŭna toje, što adbyłosia», — kaža surazmoŭca «Biełsata».
Kali mienavita Jahor viarnuŭsia z frontu, krynica nie viedaje, bo paśla taho jak połk «Pahonia» rasfarmavali i vajary trapili ŭ roznyja padraździaleńni, suviaź ź Jahoram straciłasia. Apošni raz jahony znajomy bačyŭ jaho ŭvosień 2022 hoda ŭ Kijevie.
Vajar ź Biełaruskaha dobraachvotnickaha korpusa: Ja žyŭ u ružovaj burbałcy
22-hadovy kalinoviec Cichan «Franc» Klukač atrymaŭ kantuziju
Siońnia 3 hady, jak trapili ŭ pałon vajary «Klešč i «Trombli», zahinuli «Brest», «Papik», «Atam» i «Siabro»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary