Hiermanija ŭžo pieradała Ukrainie try zienitna-rakietnyja kompleksy Patriot, paviedamlaje The Washington Post sa spasyłkaj na svaje krynicy. Heta stała mahčymym dziakujučy novaj schiemie, jakuju prapanavaŭ prezident ZŠA Donald Tramp: jeŭrapiejskija krainy apłačvajuć pastaŭki amierykanskaj zbroi dla Uzbrojenych sił Ukrainy.
Prezident Ukrainy Uładzimir Zialenski raniej vykazvaŭ nadzieju atrymać dziesiać takich sistem. Ministr abarony Hiermanii Barys Pistoryus padčas sustrečy sajuźnikaŭ Ukrainy 21 lipienia paviedamiŭ, što Bierlin hatovy dapamahčy ź pieradačaj piaci kompleksaŭ, choć padrabiaznaściaŭ nie raskryŭ. Pavodle krynic The Washington Post, try kompleksy ŭžo pieradali, a nakont astatnich iduć pieramovy z Vašynhtonam.
Čakajecca, što častku sistem Patriot Ukraina moža atrymać i z krain, jakija nie ŭvachodziać u NATA. Naprykład, Šviejcaryja zajaviła, što ZŠA pieranakirujuć piać kompleksaŭ, pieršapačatkova pryznačanych dla jaje, va Ukrainu, a jaje ŭłasnyja pastaŭki buduć adkładzienyja.
Tym časam Litva taksama vykazała hatoŭnaść dałučycca da kalektyŭnaj zakupki hetych kompleksaŭ dla Ukrainy. Ministarka abarony Litvy paviedamiła, što Vilnia płanuje vydzielić na heta da 30 miljonaŭ jeŭra.
Akramia taho, praciahvajucca abmierkavańni mahčymaj pieradačy Ukrainie dalnabojnych rakiet. Hiermanija pakul admoviłasia pastaŭlać rakiety Taurus, ale, pavodle infarmacyi The Washington Post, unutry NATA nie vyklučajuć, što ZŠA ŭsio ž mohuć pierahledzieć svaju pazicyju, niahledziačy na słovy Trampa pra niežadańnie heta rabić.
14 lipienia Tramp abviaściŭ, što ŭsiaho Ukraina atrymaje 17 sistem Patriot, apłačanych sajuźnikami pa NATO. Hetaje rašeńnie paćvierdzili padčas sustrečy kantaktnaj hrupy ŭ farmacie «Ramštajn», dzie krainy vykazali padtrymku ŭzmacnieńniu supraćpavietranaj abarony Ukrainy.
Ukraina atrymaje abiacanyja Trampam Patriot nie raniej za viasnu 2026 hoda — Spiegel
ZŠA pastaviać zbroju najpierš tym sajuźnikam, jakija addaduć svaje zapasy Ukrainie
ZŠA śpiašajucca pieradać Ukrainie abiacanuju Trampam zbroju jak maha chutčej
Mierc zmoh pierakanać Trampa pry dapamozie «dypłamatyi čekavych knižak»
ZŠA pastaviać praz NATA zbroju Ukrainie na $10 miljardaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary