Adna ź dziaržaŭ rychtujecca da pieršaj u śviecie płanavanaj mihracyi ŭsioj nacyi
Tysiačy žycharoŭ Tuvału, nievialikaj astraŭnoj dziaržavy ŭ Cichim akijanie, padali zajaŭki na śpiecyjalnuju mihracyjnuju vizu ŭ Aŭstraliju z-za pahrozy źniknieńnia svajoj krainy, vyklikanaj źmianieńniem klimatu, piša vydańnie Live Science.
Z 2025 hoda ŭ miežach damoŭlenaści pad nazvaj Falepili Union žychary Tuvału atrymali mahčymaść pierajechać u Aŭstraliju, dzie mohuć žyć, pracavać i vučycca, majučy roŭny dostup da miedycynskaj dapamohi i adukacyi z hramadzianami hetaj krainy. Mihracyja pravodzicca praz łatareju: štohod mahčymaść pierajechać atrymlivajuć 280 čałaviek.
Padavać zajaŭki možna było z 16 červienia pa 18 lipienia, i za hety čas było atrymana bolš za 5 000 zajaŭ, što składaje amal pałovu nasielnictva Tuvału (prykładna 11 000 čałaviek). 3125 čałaviek zarehistravalisia za pieršyja čatyry dni.
Tuvału — heta dzieviać nizinnych atołaŭ pamiž Aŭstralijaj i Havajskimi astravami. Siaredniaja ich vyšynia nad uzroŭniem mora — usiaho 2 mietry, a maksimalnaja — 4,5 mietry. Uzrovień mora vakoł Tuvału ŭžo padniaŭsia na 15 sm za apošnija 30 hadoŭ. Pavodle prahnozaŭ, da 2050 hoda bolšaja častka terytoryi krainy budzie zatoplenaja padčas prylivu.
Asnoŭnyja prablemy, ź jakimi sutykajucca hramadzianie Tuvału ŭžo ciapier:
- Padtapleńnie ziamiel i infrastruktury;
- Zasolenaść hleby i vady (salonaja vada pratočvajecca ŭ presnyja padziemnyja vody);
- Žychary musiać padymać aharodnyja hradki nad ziamloj, kab vyroščvać uradžaj biez paškodžańnia sollu.
Prahrama Falepili Union maje na mecie zabiaśpiečyć dla hramadzian Tuvału «pierasialeńnie z hodnaściu», biez kryzisnaha vysialeńnia abo statusu ŭciekačoŭ. Navat paśla pierasialeńnia ludzi mohuć viartacca dadomu, kali pažadajuć.
Prahramu razhladajuć jak hłabalny precedent, jaki źviazvaje mihracyju niepasredna z nastupstvami klimatyčnych źmianieńniaŭ.
U budučyni padobnyja damoŭlenaści mohuć być zaklučanyja i ź inšymi dziaržavami Cichaha akijana, naprykład, z Kirybaci.
Pavodle acenak, kali ciapierašniaja tendencyja zachavajecca, to za 10 hadoŭ kala 40% nasielnictva Tuvału moža vyjechać z krainy. Kab dziaržavie paźbiehnuć straty kvalifikavanych kadraŭ i adpaviedna ekanamičnaha spadu, kolkaść vydavanych viz pakul abmiežavanaja.
Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem
Navukoŭcy bjuć tryvohu: skandynaŭskija ledaviki imkliva rastajuć
Hłabalnaje paciapleńnie spryjaje rostu papulacyi pacukoŭ u haradach
Rasija straciła ceły vostraŭ u Arktycy
Halfstrym spyniajecca? Poŭnač Jeŭropy, u tym liku i Biełaruś, moža pieratvarycca ŭ tundru
Z-za źmieny klimatu pačała zielanieć Antarktyda FOTY
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami13
Kamientary