«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

Ben Chodžes acaniŭ situacyju na froncie va Ukrainie.

«Ja b skazaŭ, što jany niadrenna spravilisia z zadačaj strymlivańnia rasijskich suchaputnych vojskaŭ. Čaho im nie chapaje, dyk heta dalnabojnaj vysokadakładnaj zbroi, jakaja dazvoliła b im źniščać rasijskija štaby, rasijskuju łahistyku, nanosić udary pa rasijskich zavodach, jakija vyrablajuć bieśpiłotniki, pa rasijskich aeradromach, ź jakich uźlatajuć rasijskija bambaviki i zapuskajucca kryłatyja rakiety pa ŭkrainskim cyvilnym nasielnictvie. Voś što treba.

I, viadoma ž, supraćpavietranaja i supraćrakietnaja abarona, Patriot u kančatkovym vyniku źjavicca tam. Ale heta, vierahodna, u nastupnym hodzie. Ale Patriot bieskarysny suprać bieśpiłotnikaŭ. Tamu ŭsio, što my možam zrabić, kab dapamahčy Ukrainie — heta spynić hetyja bieśpiłotniki, ciapier, uklučajučy źniščeńnie zavoda, dzie hetyja bieśpiłotniki vyrablajucca. Što my nazyvajem «zabić łučnika, a nie sprabavać pierachapić usie streły».

Tak što kali vy źniščajecie miesca, adkul laciać bieśpiłotniki, vy zabivajecie łučnika».

«Pahladzicie na apošnija try hady, try z pałovaj hady, pry poŭnaj pieravazie Rasii, jany ŭsio jašče kantralujuć tolki 19% Ukrainy. Jany amal nie prasunulisia ad Aŭdziejeŭki, jakaja była ŭziataja paŭtara hoda tamu. Tamu my nie možam mierkavać pra vajnu, kali hublajucca maleńkija vioski. My aceńvajem vajnu, demanstrujučy, što Rasija nie moža pieramahčy. Voś na čym nam varta zasiarodzicca», — dadaŭ hienierał.

Jon paŭtaryŭ, što Ukrainie patrebna dalnabojnaja vysokadakładnaja zbroja, zdolnaja paražać celi na 700—1000 kiłamietraŭ. 

Ben Chodžes taksama patłumačyŭ, čamu Patriot nie mohuć tak chutka pastaŭlać va Ukrainu, jak chaciełasia b.

«Patriot — vielmi darahaja i składanaja sistema ŭzbrajeńnia, vytvorčaść jakoj zajmaje šmat času. Tamu kampanii, jakija ŭdzielničajuć u jaje stvareńni, hadami adstajuć ad hrafika, kab adpaviadać usim patrabavańniam.

Ciapier usio było b inakš, kali b urad ZŠA šmat hadoŭ tamu ŭśviadomiŭ i stratehična pradumaŭ hetuju vajnu, uśviadomiŭ važnaść dapamohi Ukrainie ŭ pieramozie i abaronie ad rasijskich napadaŭ na ŭkrainskaje cyvilnaje nasielnictva. Tady ŭradu ZŠA varta było b vydatkavać šmat hrošaj na kampanii, jakija vyrablajuć Patriot, i skazać: «My chočam padvoić abjomy vytvorčaści abo patroić dadatkovyja resursy dla pavieličeńnia vytvorčaści». Ale pry hetym nastroicca na vajnu.

Ale my nikoli hetaha nie rabili: ni pry administracyi Abamy, ni pry pieršaj administracyi Trampa, ni pry Administracyi Bajdena, ni ciapier. U takich sistem, jak Patriot, unikalnaja sistema vytvorčaści, i jaje vielmi składana chutka paskoryć. Ale ja b taksama skazaŭ, što nam treba pierastać dumać tolki pra Patriot, padumać ab zbroi vialikaj dalokaści.

Ukraina ŭžo prademanstravała, što zdolnaja stvarać ułasnyja bieśpiłotniki. Jany mohuć dalacieć da Maskvy. My pavinny ŭkładvać u heta hrošy i technałohii, dapamahać Ukrainie raspracoŭvać bolš mahutnyja bajavyja nahruzki dla palotu na dalokija adlehłaści».

Hienierał adkazaŭ, što kali Rasija kali-niebudź napadzie na krainu NATO, to «Kalininhrad i ŭvieś rasijski patencyjał tam budzie źniščany ŭ pieršyja ž hadziny».

Jon dadaŭ, što Litvie treba dumać stratehična.

«Za śpinaj u jaje Bałtyjskaje mora, jość Kalininhrad, jość Biełaruś. Mienavita tamu tak važna, kab Litva rabiła toje, što jana robić ciapier, — naroščvała svoj patencyjał, ščylna supracoŭničała z sajuźnikami. Niamieckaja bryhada, jakaja nakiroŭvajecca tudy, amierykancy, vaš polski sajuźnik na poŭdni, vaš łatvijski sajuźnik na poŭnačy.

Ale nasielnictva taksama pavinna viedać, što, mahčyma, projdzie dva tydni, pierš čym dadatkovyja siły prybuduć z-za miežaŭ Litvy. Viadoma, avijacyja NATO budzie tam u pieršyja hadziny. Ale nasielnictva, cyvilnaje nasielnictva, pavinna razumieć svaju rolu, i Litva pavinna adpracavać sa svaimi reziervistami i dobraachvotnikami, što jany buduć rabić; kožny litoviec, jaki ŭžo znachodzicca ŭ reziervie, pavinien dakładna viedać, kudy jon adpravicca, kali i što ad jaho čakajecca.

Ja dumaju, što jašče transpartnaja infrastruktura ŭ Litvie, razumiejecie, budzie vielmi važnaja, i ja spadziajusia, što adnojčy prajekt Rail Baltica budzie narešcie zavieršany, i my zmožam vielmi chutka pieramiaščać ciahniki ź ciažkaj technikaj u krainy Bałtyi, bieź nieabchodnaści mianiać kalainu».

Hienierał taksama prakamientavaŭ sumiesnyja vučeńni Biełarusi i Rasii «Zachad — 2025», jakija projduć u vieraśni.

«Heta mahčymaść dla nas vyvučyć, panazirać, ubačyć, što jany robiać, jakoje novaje abstalavańnie jany mohuć pradstavić, jakimi mahčymaściami jany vałodajuć. I, viedajecie, heta mahčymaść panazirać — Biełaruś cikavaja. U mianie niama iluzij nakont Łukašenki i jahonych žadańniaŭ, ale pakul jany nie dazvolać Rasii raźmiaščacca tam u vialikich kolkaściach, ja dumaju, što heta nie budzie žachlivym zychodam».

• 8
• 1
• 2
• 1
• 0
• 0
• 0
• 0