«Śviet źmianiŭsia». U Aŭstryi, jakaja 70 hadoŭ zachoŭvała niejtralitet, zadumalisia pra ŭstupleńnie ŭ NATA
Pra adkrytaść da dyskusii pa hetym pytańni «na fonie niestabilnaści ŭ śviecie» zajaviła ministr zamiežnych spraŭ Aŭstryi.
«Adno vidavočna: sam pa sabie niejtralitet nas nie abaraniaje. Toje, što moža abaranić Aŭstryju na fonie ŭsio bolš niestabilnaj biaśpiekovaj situacyi ŭ śviecie i ŭsio bolš ahresiŭnaj Rasii, — heta inviestycyi ŭ našu ŭłasnuju abaranazdolnaść, a taksama ŭ partniorskija adnosiny», — skazała kiraŭnica MZS Aŭstryi Bieata Majnl-Rajzinhier u intervju Die Welt, adkazvajučy na pytańnie, ci padtrymlivaje jana ideju dałučeńnia krainy da NATA.
Jana dadała, što «vielmi adkryta da praviadzieńnia hramadskaj dyskusii ab budučyni Aŭstryi ŭ śfiery biaśpieki i abarony».
Adnak, pavodle jaje słoŭ, na siońniašni momant ni ŭ parłamiencie, ni siarod nasielnictva niama bolšaści, jakaja padtrymlivaje dałučeńnie da aljansu.
«Ja nie kažu, što chaču z łunajučymi ściahami ŭstupać u NATA. Ale my nie možam prosta siadzieć skłaŭšy ruki i dumać: kali my nikomu nie zrobim škody, to i nam jaje nichto nie zrobić. Heta było b naiŭna. Śviet źmianiŭsia.
Ale ja chaču asabliva padkreślić: u nas užo jość partnior u asobie ES, jaki ŭ vypadku nieabchodnaści nas abaronić. Adnačasova my ŭnosim istotny ŭkład u jeŭrapiejskuju biaśpieku. Našy vajskoŭcy ŭdzielničajuć u mnohich miratvorčych misijach ES, i my robim usio, kab finansava, vajennym čynam i palityčna padtrymlivać ahulnuju jeŭrapiejskuju palityku ŭ halinie biaśpieki i abarony. U hetym sensie niejtralitet Aŭstryi z času dałučeńnia da ES u 1995 hodzie ŭžo značna źmianiŭsia».
U 1955 hodzie Aŭstryja była pryznana suvierennaj i niezaležnaj dziaržavaj, i ŭ toj ža hod parłamient pryniaŭ zakon, jaki abviaščaŭ viečny niejtralitet i admovu ad udziełu ŭ lubych vajennych sajuzach.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści39
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
I pierš čym vieraščać pra 'znoŭ ahientura', 'sindrom Paźniaka' jetc. - vašaj uvazie kiejs eks-ministarki zamiežnych spraŭ Aŭstryi, a taksama šmatlikija raśśledavańni Billingcat dy inšych žurnalisckich struktur.