U Biełaruś pryjšoŭ lasny kot — takoha nie bačyli amal 100 hadoŭ
Źviera zafiksavała videapastka ŭ Žytkavickim rajonie, paviedamiŭ Nacpark Prypiacki.
Apošni lasny kot byŭ zabity palaŭničym u Barysaŭskim rajonie ŭ 1927 hodzie.
U 2017 hodzie lasny kot viartaŭsia ŭ Biełaruś, ale tady trapiŭ tolki na fota. Ciapier ža žyviołu ŭdałosia zafiksavać na videa.
Na videa kot važna čuchajecca, niešta vyhrabaje, paziruje. Heta dakładna nie chatni varyjant: jon kudy bolšy za chatniaha kata, šera-žoŭtaha koleru z malunkam i vyraznymi pałosami. Vizualna nie zaŭvažna i prykmiet hibrydyzacyi.
Jeŭrapiejski lasny kot adroźnivajecca ad stepavaha ci bolšasci chatnich parod bolš bujnym pamieram (pad 35 sm), doŭhim hustym futram, karotkim toŭstym pałasatym chvastom, niby abrublenym na kancy. Kormicca pryblizna tym ža, što i lisy: hryzuny, ptuški, reptylii, ryba, nasiakomyja, padal.
Bližejšy areał — ukrainskija Karpaty, ale raniej jaho fiksavali i ŭ Žytomirskaj vobłaści.
Kamientary